PM:03:20:18/07/2021
1420 جار خوێندراوەتەوە
+
-
ژێدەرەکێ ئەولەکاریێ ل پارێزگەها سەلاحەدین
راگەهاند، ب سەدەما بوویەرەکا هاتن و چوونێ پێنج کەسان ژیانا خۆ ژ دەستدا کو هەمی
ئەندامێن ئێک خێزان بوون و سێ کەسێن دی ژی برینداربوون.
ئەڤرۆ ئێکشەمبێ، ژێدەرەکێ ئەولەکاریێ بۆ
میدیایێن عێراقێ ڕاگەهاند، بسەدەما بوویەرەکا هاتن و چوونێ لسەر جاددا بەغدا-
کەرکوک نێزیک ناحیا سلێمان بەگ پێنج کەسان ژ ئێک خێزانێ ژیانا خۆ ژ دەستدا و سێ
کەسێن دی ژی بدژواری برینداربوون، ئەڤە ژی ژ ئەنجامێ وەرگرەیانا ترۆمبێلەکا جی ئێم
سی بوویە.
بەحسا وێیەکێ ژی کر، تیمێن هەوار هاتنێ
گەهشتنە جهێ بوویەرێ و تەرمێ وان قوربانیان بۆ نێزیکترین نەخۆشخانە ڤەگوهاستنە.
ئەڤە د دەمەکی دایە، دوهی رێڤەبەریا هاتن و
چوونا گشتی یا حکومەتا عێراقێ ڕاگەهاند، بسەدەما بوویەرەکا هاتن و چوونێ لسەر
جاددا دیوانیە چار کەسان ژیانا خۆ ژ دەستدا و پێنج کەسێن دی ژی برینداربوون؛ کو
هەمی ئەندامێن ئێک خێزان بوون.