سەرنووچە:

چاکسازی رەنگڤەدانا دادیێ یان گەندەڵیێ؟

2/12/2020 10:42:30 PM
4529 جار خوێندراوەتەوە
بەروار نوری
+ -

پەیڤا چاکسازی دھێتە گوتن ل ھەر وەڵاتەکێ کۆ سێکتەرێن وێ تووشی گەندەلیێ بووینە، د بنیاتدا گەندەڵی بابەتەکێ رێژەییە ئانکۆ دبیت گەندەلی ل ھەمی وەڵاتان ھەبیتن بەلێ رێژا وێ ژ جھەکی بۆ جھەکێ دی جۆدایە.

ھەر وەڵاتەکێ گەندەلی تێدا بویە دیاردە بێ گومان ئەو وەڵاتە کەتیە بن غەزەبا قەیرانا و خەلکێ وێ تووشی ھەژاریێ بویە و وەڵات ژ خزمەتگۆزاری و پێشکەفتنێ بێ باربویە، سیستەمێ سیاسی بەرەڤ دەستھەڵاتا تاکرەویێ دچیت.

گەندەلی دیاردەیەکا بەربەلاڤە دشیاندایە بکەڤیتە ناڤ ھەمی سێکتەرێن دەولەتێ ئەگەر دەستھەڵاتەکا ھشیار و چاڤدێرنەبیتن و یاسا سزای نەھێتە بجھئینان گەندەلی و میتوتدێن وێ  مینا دزی و رەشوە و خراپ بکارئینانا دەستھەڵاتێ و زێدە بکارئینانا مالێ گشتی بۆ کارێن کەسۆکی و دەست بسەرداگرتنا ماڵێ گشتی و نەپێگریکرن ب دەمێ کاری،، بابەتێ گەندەڵیێ بابەتەکێ بەرفرەھە لەوما زاڵبۆن لسەڕ گەندەڵیێ کارەکێ ھەمەلایی یە.

ھەتا دەرمانێ ڤی دەردی بزانین دڤێت بزانین فاکتەرێن درۆستبوونا ڤی دەردی(گەندەڵی)ێ چنە  دا بزانین دەڕمان دێ چبیتن مینا فاکتەرێ نەبوونا ھۆشمەندیا جڤاکی(وعی  المجتمع) د ماف و ئەرکێ خودا بەرامبەر دەستھەڵاتا سیاسی ھەروەسا کارتێکرنا رەوشت و تیتالێن جڤاکی، ئەم دشێن بێژین دەستھەڵاتەکا گەندەڵ ژ رەنگڤەدانا مللەتەکێ نڤستی و بێ ھوشمەنەندە چونکی زۆریا کادر ۆ بەرپرسێن دەستھەڵاتێ کۆڕێن وی مللەتێ  نڤستی نە، ھەروەکی سەرۆکێ حکومەتێ ئاماژە پێکری و فەرمووی چ کەس نابن گەندەڵ ھەکە مللەت پشتەڤانەبیتن، ھەڕوەسا فاکتەرێ نەئارامیا سیاسی ژی گرنگترین فاکتەر و رێخۆشکەرە بۆ خورتکرنا میتۆدێن گەندەلیێ کو ژ ئەنجامێ نەبوونا حەزەکا سیاسی یا کردار دناڤبەرا پارتێن سیاسی و دەستھەڵاتا سیاسی دا ب ھەرسێ دەستھەڵاتێن خوڤە تایبەت ئەگەر دەستھەڵاتا دادوەری سەربخۆ و ئەکتیڤ نەبیتن داخازکەرێ گشتی ب درۆستی بکارێ خونەرابیت دیسان فاکتەرێ ئابۆری تایبەت ل دەمێ وەڵات تۆشی ئاستەنگ و قەیران و شەران دبیت ل وی دەمی پێتڤیێن ژیانێ زەحمەت دکەڤن و خەلک پەنایێ دبەنەبەر گەندەلیێ چ بوارێ ئابۆری یان کارگێری بێ گومان ئەو دەستھەڵاتا خودان دادی و بھێز و خودان پڕۆژێ ریفۆرمێ بیت  دەرگەھێ گەندەلیێ ڤەبوونا وی زەحمەتە، ھەروەسا پێتڤیە ژبیرنەکەین فاکتەرێ ئاینی کاریگەریەکا زۆڕا ھەی ل وەڵاتێن ئیسلامی تایبەت د درۆست نەگەھاندنا پەیاما ئاینی و ڕاگرتنا دەرۆنێ مرۆڤی لسەر خرابیێ ھەتا دۆماھیێ خودبینیت مڕۆڤەکێ گۆنەھکار(گەندەلکار).

ھەتا سنورەک بۆ گەندەلیێ دھێت دانان پێتڤیە خەلک و دەسەلات وەک کارەکێ نشتیمانی و رەوشتی و ئاینی و مرۆڤایەتی دەست ب ریفۆرما وژدانی و ئەخلاقی بکەن و سێکتەرێن دەولەتێ ژڤێ پیساتیێ پاقژبکەن و ھەمی کەناڵێن پێتڤی ئەکتیڤ بکەن و ئەڤان فاکتەرێن سلبی یێن مە لسەری گەنگەشەکرین ئیجابی بکەن.

ھەرێم  دشەڕێ چاکسازی و گەندەلیێ دا!!

 دانپێدانا دەستھەڵاتێ ب ھەبوونا گەندەلیێ حەزا چاکسازیێ بھێزدکەت و کارەکێ باش دبینم،  دەستھەڵاتا کوردی د رێڤەبرنا حکومڕانیێ دا کێم ئەزموون بوویە جونکی کورد بەردەوام د وەلاتێ خودا پەنابەربووینە ژلایێ وان دەولەتێن کۆلۆنیالیزمی ڤە یێن ئاخا پیرۆز کو کوردستانە داگیرکری و ب سیاسەتا فیودالی و ملیتاری ھاتیە پرۆگرامکرن و رێڤەبرن کورد کەفتینە بن ڤێ باندۆرا سیاسەتا سایکولوجیا داگیرکەران دەرفەتا رێڤەبرنێ لسەر کوردان ھاتبو قەدەغەکرن.

کورد ژ شورەشگێریێ بوون دەسەڵاتدار کەفتنە د ئەزمونەکا نووی و ساڤا دا د رێڤەبرنێ دا  و کێمیا کەسێن خودان باوەرنامە و نەبوونا شارەزاییا  کارگێری و دبلوماسی  و کێمیا ھۆشمەندیا جڤاکی و ھەمی فاکتەرێن مە بەحسکرین لسەری لدەڤ دەسەلات و جڤاکێ مە دیاربوون دیسا کارتێکرنەکا نیگەتیڤ لسەر ریێ دەسەلاتا کۆردی کربوو، لێ نابیت بھێجەتا ڤان فاکتەران شەرعیەتێ بدەین وێ  گەندەلیا ھاتیکرن .

ئێدی ستووپ گەندەلی ستووپ ستووپ!!

حکومەتا ھەرێمێ دڤێ کابینێ دا چاکسازی و رێکخستن کریە سیمایێ ڤێ کابینێ و خەلک ھیڤیا ئەنجامێن دلخۆشکەرھن لێ ھەتا نوکە ھێشتا ئەسمانێ ھەرێمێ عەوڕێن ھشکن و خەلکی دڤێت سنورەک بۆ دز و گەندەلا بھێتە دانان وەک خەلک دبێژن یا چووی چو یامای بھێتە پاراستن و ب دادی بھێتە پارڤەکرن لسەر مللەتێ ماندی نەناس و ئەو جوداھی و نە یەکسانیا دناڤبەرا ھەژار و بەرپرس و پلە باڵایان راببیت و دادی جھێ وێ بگریتن تایبەت داخازیێن دەسپێکی یێن خەلکی بھێنە  بجھئینان مینا موچە و سێکتەرێن  ئاڤێ و کارەبێ و تەندرۆستی و پەروەردێ، چاکسازیکرن پێتڤی ب ھەوڵێن بەردەوامن ھەرچەند ئاستەنگ زۆربن.
ھەروەسا ھیڤیدارین چاکسازی شۆڕببتن ناڤ پارتێن سیاسی و ریفۆرمەکا ریشەی بھێتە ئەنجامدان و کەسێن گەندەل جھێ وان نە مینیت  ناف حکۆمەت و پارتان دا.