سەرنووچە:

دەستێ دەرەکی!

5/21/2020 5:04:25 AM
2516 جار خوێندراوەتەوە
بژار نێروەى
+ -

سیاسەتێ زارافەک ھەیە وەلاتێن پێشکەفتی و بھێز ژ ھەمی لایانفە شەرم دکەن نافێ وی زارافی بێژن و لسەر روژنامە و گوفارێن خو حەتا سوشیال میدیایێ دا، ئەو ژی(دەستێ دەرەکی)، ل ھەرێما کوردستانێ ئەف زارافە ب شانازیفە و روژانە دھێتە گوتن ژلایێ دەسھەڵاتدارێن کوردستانێ فە لسەر تیفیا و روژناما و سوشیال میدیایێ دا.

زارافەک کو ھەردەمێ خرفەبونەک یان خونیشاندانەک ھاتەکرن دژی حکومەتێ ئێکسەر ژلایێ ئەندامێن لایەنێت دەسھەڵات دار دێ ل دژی ئێک دو بکارئینن و دێ ھێنە ئیدانەکرن.

پارتی دیموکراتی کوردستان ل دەفەرا بادینان ئەف دەستەواژە بکارئینا دژی وان موچەخوران فە کو زێدەتر ژ٦٠روژایە موچە وەرنەگرتیە پشتی کو خرفەبونەک رێکخستی داکو چەند خالەکان بگەھینە حکومەتا کوردی، لێ ژلایێ ئاسایشا دھوکێ فەرێگری ھاتەکرن و ب دەھان ماموستا و فەرمانبەرو روژنامەفان و چاڵاکفان ھاتنە دەستەسەرکرن و سەرەدەریەکا زور کرێت دگەل ھاتەکرن.

لفێرە پارتی گوت (دەستەکێ دەرەکی) دناف فێ خرفەبونێ دا یە ھەر جارێ لایەنەک دیارکری کو ھەول داینە ئارامیا دھوکێ تێک بدەن بفی بەھانێ رێگریکر.

زور سەیرە کیش یاسا موچە دھێتە پاشکەفتکرن،بکیش یاسا دھێتە گیروکرن بو ٥٠روژان و دھەمان دەم دا یاسایا کوردستانێ پارتی ب ئاشکرایی بوخو بکاردئینیت ژبو بەرژەوەندیێت خو یێن تایبەت.

ئەرێ گەر دەستێ دەرەکی ل پشت چەند فەرمان بەرەکان بیت ئەرێ پا نھا چەند دەست لپشت حکومەتەکێ نە..؟!

ل فەرەنسا دەما خوپیشاندان ھاتینەکرن ئێک ژ روژنامەفانێت وی وەلاتی د نفیسنەکێ دا دبێژیت چەندین وەلاتان ھەولداینە ئارامیا فەرنسا تێک بدەن ئانکو دەستێن دەرەکی ھاتیە بکارئینان؟؟ پشتی کو ئەف دەنگ و باسە بەلاف بوی رێژەکا زورا خوپیشاندەرا کێم بون بەڵاف بون! وی دەمی پسیار ھاتەکرن بوچی ھەوە دەست ژ خوپیشاندانان بەردا!

خوپیشاندەرەکێ گوت، مەنەفیت وەلاتێ مە ھند کێم بیت کو ھندەک بێژن وەلاتێن بیانی دشێن ئارامیا فەرنسا تێک بدەن دشێن مایتێکرنێ د دەسھەڵاتا فەرەنسایێ دا بکەن، ئەفە بو ئەگەر ھێدی ھێدی خوپیشاندان دوماھیک بھێن، و ئەو روژنامەفانە ھاتە سزادان.

ل کوردستانێ حکومەت ب شانازیفە دبێژیت دەستین دەرەکی ھەنە لکوردستانێ، ژبلی کو نەشێن مافێن ھاوڵاتیێن خو دابین بکەن و ھەولددەن وەڵاتی ژی کێم بکەن.