سەرنووچە:

دێ چێ بيت !؟

2/18/2020 8:21:22 PM
3405 جار خوێندراوەتەوە
بژار نێروەى
+ -

ئەو پەیڤە یا کو ل ١٩٦٣ وەرە دھێتە گوتن ژلایێ باب و باپیرێن مە فە و نوکە ئەم ب رامانا ھندێ کو حکومەتا ھەرێما کوردستانێ چێبیت! ژبلی نەچێبوونێ، خراپتر لێ ھات، ھەڤرکیێن زور دناڤبەرا پارتێن دەسھەڵاتدار (پارتی، ئێکەتی) ژ بوو وەرگرتنا پوستێن بلندێن زێدەتر، خەلکێ خو گوری پلە و پوستان کرن، ئەو گەلێ کو ب درێژاھیا مێژویێ و ھەیا نوکە بەردەوام قوربانیان ددەت ژ بۆ بدەست ڤە ئینانا "دەولەتا کوردی" لێ ژ ئەگەرێ بەردەوام دوبەرەکیێ دناڤبەرا پارتێن نھا دا، نەبتنێ دەولەت کرنە خەون، بەلکی ل چەرخێ ٢١ و ل سالا ٢٠٢٠ داینە لێ ھەیا نوکە نەشیاینە کارەبا بەردەوام دابین بکەن بۆ کوردستانێ، ھەر چار پاریزگەھین کوردستانی پرن ژ نەفتی، لێ بو ماوێ ٦ سالایە نەشیاینە بەرمیلەکا گازێ پێشکێشی مللەتی خۆ بکەن، بەردەوام گروپێت ڤان حزبان ھەر ئێک ژ بۆ بەرژەوەندیێن خۆ دفروشن و مفای ژێ دبینن، و ملەت ژی بەردەوام د قەیرانان دایە،قەیرانێن کارەبێ و گازێ و غازێد ڤی دەمیو جھێ دا شەرمزاریێ یە بۆ ھەردوو پارتێن دەسھەڵاتدار، کو بدرێژاھیا ٢٩ سالێن حکومرانیا خومالی سەرەتایترین ماف لبەردەست نەبن، بەردەوام ملەت دکەفیتە دژوارترین دەم دا ھەیا بشێن روژانەکا خۆ دەرباس بکەن، ل شوونا رێز لفی گەلی بھێتەگرتن روژانە سفکاتی و بێرێزی لھەمبەر دھێنەکرن و بەردەوام نەچار دکەن کو درازیبن ب ھەرتشتەکێ دھێتەدان، کوردستان نوکە دژوارتین دەم دایە لێ بەرپرسێن وەڵاتی لدیف خوشیێن خۆ فە نە و ملەت ھاتیە پشتگوھ ھاڤێتن.

سەرارای ھندێ کو ملەت ژی خەمسارە ل ھەمبەر ڤێ دەسھەلاتێ دمیننە چاڤگرتی و کەڕ و ڵالن، ب چەند کارەکێن لاوەکی ملەت دھێتە بێدەنگ کرن، مەزنترین بێ ویژدانیە دەمێ شیانێت ھەر کارەکێ ھەبن، لێ نەکەن و لپشت گوھ ڤە پاڤێژن، سەدام حسێن ژوان کەسان بۆ کو زولمەکا مەزن ل کوردا کریە زێدەتر ژ ١٠ ھزار کەس کوشتینە و ژبلی بەرزەبوویان، لێ نوکە زوربەیا ئەو کەسێن شورەش کری ل دژی حکومەتا وی دەمی وی برێڤەدبری و خوزیا دھێلن جارەکا دی ئەو بیتە رێبەرێ وان و سەردەمێ وی بزڤریتە ڤە، ئەرێ ھوون نابینن کو حکومەتا خومالی و تایبەت (پارتی و ئێکەتی) خەلک نەچارکرنە کو مەزنترین دوژمنێ خۆ بھەلبژێرن و خوزیان بۆ رابھێلن بۆ ڤەگەریانا وان، و وان ژ حکومەتا ھەرێما کوردستانێ باشتر ببینن.