سەرنووچە:

مافیا چاوا د وەلاتان دا پەیدا دبن؟

2/5/2020 8:18:38 PM
7297 جار خوێندراوەتەوە
عیسا حەسەن
+ -

ھەرێما کوردستانی بوویە کۆمپانیەکا مەزنا دز و گەندەلا، پشتی کوردستانا باشور سەرھلدان کرین و راپەرین بوویە دەلیڤە بۆ ھندەک کەسان بناڤێن جۆدا و حزب و بنەمال دەست دانان لسەر داھات و سامانێ ڤی میللەتی. ب ھێجەتا ڕێڤەبرنا وەلات و خزمەتێ ھندی داھات و مافێ ڤی میللەتی یە دەست داناینە سەر و کەس نزانت کیڤە دچیت کێ لێ بەرپرسیارە، چ لێ دھێت.

ژ دەستپێکا کەفتنە سەرپێیا ھەرێما کوردستانێ دوو حزبێن دەستھەلاتدار کەفتینە دروستکرنا ئابوورەکێ بھێز، کو بۆ خزمەتا کەسی دھێتە پێشڤەبرن نەک نیشتیمانی، ئەو ئابوورە ژ نەفت و گاز و غاز و گۆمرک و چەندین ژێدەرێن دی دا بۆ چەند حاکمێن حزبی دچیت و خزمەتا خۆ و وان کەسێن وان دپارێزن دکەن و وەلاتی و تەخێن جودایێن جڤاکی ژ پێشمەرگە، مامۆستا، فەرمانبەر و کاسبکار ژی، پڕانیا جاران نکارن ببن خودان مافێن خۆ یێن سەرەکی ژی.

سەرھلدانا مافیا ھێدی ھێدی دێ دیار بیت، ئەو ژی دێ ژ جەرگێ حزبێن دەستھەلاتدار دەرکەڤن کو ھەردەما بەش و بەھرا وان لدیف دلێ وان نەبیت ئەو پەیدادبن، کو د بەرێ دا ئەو بخۆ شریک و بەردەستێن دەستھەلاتداران بوون، لێ ژبەر کو ب دلێ وان پارە و قازانج ناگەھنێ دێ خو نەرازیکەن  وەکی بەری چەند رۆژەکان رێگری ل کاروانێن تڕۆمبێلین ڤەگوھاستنا غازێ ھاتینە کرن.

کو ڕاستەڕاست شێوە و کریارێن مافیای لێ دیار بوون و چ دەستھەلات و کەسەک ژی نەبوو بێژن ئەو ڕێگرە ھاتنە گرتن یان ژی ژناڤبرن، ھەر ئەو کەسێن کارێ مافیاگەریێ ژی دکەن دزانن ئەو قازانجە بۆ کێ دچیت و کێ داھاتێ غازێ دبەت، چونکە ئەو ژی بەری نوکە شریک بوون ھاتینە بی بەش کرن.

پشتی عیراقی بەشە بودجەیا ھەرێمی بری و داخازا داتاین ناڤێن دورست یێ فەرمانبەران د ھەموو وەزارەتان دا کری و رادەستکرنا ٢٥٠ ھزار بەرمیلێن نەفتێ روژانە  بارگرانی کەتە سەر ملێن وان کەسان ئەڤێن پتریا داھاتی قازانج دکەن و ئەوژی مەجبورن ھندەک کەسێن بن خودا کێم بەش و بێ بەش بکەن ئەو کەس ژی ئەون خودان ھێز و بفی رەنگی بشیوەیێ مافیای دیار ببن.