سەرنووچە:

پشتی کوشتنا قاسم سولەیمانى ئیران و ئەمریکا بۆ کیڤە !؟

1/4/2020 1:37:10 PM
10638 جار خوێندراوەتەوە
عیسا حەسەن
+ -

ل روژا ئەینی ٣ێ چلەیا ٢٠٢٠ێ د ئیکەم ھێرشا ئەمریکا ل ڤێ سالێ یا ب ئارمانج دا، پشتی قاسم سولەیمانی ژ سوریا گەھشتی پایتەختی عێراقێ ل بەغدا ھاتە کوشتن، کوقاسم سولەیمانی ب پلەیا لیوا و سەروکی فەلەقا قودس بوو کەسی دووەم یێ گرنگێ ئیرانێ بوو، ژ دەست دانا کەسەکی وەکو وی بۆ ئیرانێ یا باش نەبوو، د دەستپێکا سالا نوو دا ئیکەم لێدانا ئەمریکا ل ئێرانێ سەرکەفتنەکا مەزن و خالەکا گرنگە بۆ ئەمریکا لێ دێ ب چ رێک ئیران تولا قاسم سولەیمانی ڤەکەت و لکیفە ؟

 ئەرێ ئەمریکا پشتی وێ ھێرشێ دێ پێگەھێ وێ ل عێراقێ لاواز بیت یان دێ بھێزتر بیت!؟

 بێگومان روویێ راستێ ھەڤالێن ئیران و ئەمریکا دێ دیاربیت یان دشێن بێژین پشتی ڤێ ھێرشا ئەمریکا دێ ھەموو سەرکردە و حزبێن دژی خو ناسکەت، بەلێ پێگەھێ ئەمریکا دێ بھێزتر بیت و ئیران دێ یا لاوازتر بیت پشتی  نەمانا قاسم سولەیمانی،ژبەر کو  سولەیمانی کەسێ ئیکەم و ھەڤال و دوستین وێ ل ھەر چار دەولەتێن عیراق، سوریا، یەمەن و لوبنان ھەبوون روولێ وی د ھەر چار دەولەتان دا یێ دیاربوو، یا خویایە کو کەس نەشێت جھێ سولەیمانی بگریت.

شەرێ ئیران و ئەمریکا دێ بھێزتر بیت لێ نە بهێزێ و ڕیبری هەڤدوو، بەلکی ب کریارێن خۆکوژی  ئیران دێ چەند لڤینەکا کەت و ب لڤاندنا حەشدا شەعبی و چەند گروپێن گرێدای ئیرانێ، چێدبیت پشتی ڤێ ھێرشێ شەر د ئاخا عێراقێ دا گەرمتر ببیت، سالا ٢٠٢٠ێ بۆ عێراقێ سالەکا نەھاتی بیت و پتر ئەمریکا و ئیران دژی ھەڤدوو ھێرشی ھەڤدوو بکەن.

 ھەیا ئیران لاواز ببیت ب نەمانا ١٥ ھزار چەکداران لبن سەرپەرشتیا ئیرانێ ل ھەر چوار دەولەتان و تایبەتی عێراقێ ھەیا بگەھیت وی ئاستی ئیران لاواز ببیت ژ ئالیێ لەشکەری و ئابووری ئەو ژی بکەفیت لبن باندورا ھێزا ئەمریکا و ئیسرائیل ڤە و ئیران نە بیتە مەترسی لسەر ئیسرائیلێ.