کارتێکرنا بۆرجێن تەلەفون و ھێلێن ئەنترنێتێ
8/18/2019 1:58:53 PM
17119 جار خوێندراوەتەوە
نەجمەددین نێروەیی
+
-
زۆربوونا ھێلێن تەلەفون و ئەنترنێتێ، پێدڤی ب زێدەبوونا دانانا بورجێن زێدەتر ھەنە و ئەڤەژی بەراورد دگەل وێ چەندێ، زیانێن ب مەترسی بۆ مرۆڤی و ھەموو زیندەوەرێن دی ھەنە. ئەوژی ب رێکا دەردانا تیشک یان مەوجاتان.
بۆ نموونە:
١- کارتێکرنێ ل ژنێن دووگیان دکەت و ب تایبەتی چونکۆ ئەو زارۆکێ د زکێ وێدا ل پرۆسەیا درۆستبوونێ دایە و ناھێلیت ب درۆستی گەشە بکەت، رەنگە د ئەنجامدا، دێ زارۆیەکێ پری کێماسی و تا دگەھیتە رەنگێ مشوە ژی پەیدا بیتن.
٢- کارتێکرنێ پتر ل زارۆکان دکەت، چونکۆ لاشێ وی نازکترە و بەرگیرییا وان ژی کێمترە.
٣- کارتێکرنێ ل ھش و بیران دکەت و وەھا دکەت کۆ ھشێن مرۆڤی زوو ل بیرا مرۆڤی بچن.
٤- کارتێکرنێ دکەتە لسەر ئاڤا زەلامی و رەنگە ببیتە ئەگەرێ پەیدابوونا زارۆیەکێ نە درۆست.
٥- مرۆڤی تووشی ماندیبوونێ دکەت و بەردەوام ھەست ب سەر ئێشان و چیزە چیزا ل سەریدا دکەت. خوارن و خەو تێک دچیت. لێدانا دلی زێدەتر لێ دھێت. تورەبوونێ زێدە دکەت. تا دگەھیتە پەیداکرنا شێرپەنجەیێ.
٦- کارتێکرنێ دکەتە سەر چەندین زیندەوەرێن دی، وەکۆ بەلاتینک و ..... و ب تایبەت مێشێن ھنگڤینی.
٧- رێژا کارتێکرنێ دمینیتە لسەر وێ یەکێ کانێ رۆژانە چەند پەیوەندی ب رێکا وان بورجان دھێن و دچن.
٨- ب گشتی دبێژنە تیشکێن ڤان بورجان، دەبانجا بێدەنگ (یانکۆ دێ تە کوژیت و بێی دەنگ لێ بھێت).
خۆ پاراستن:
١- باشترە ئەڤ بورجە ل نێزیک مال، قوتابخانە، نەخۆشخانە و ....جھێن گشتی نەھێنە دانان.
٢- ب کێماسی و ب گورەی قەبارەی بورجی، ھەتا ٣٠٠ مەتران ل رەخ و دوورێن وان د مەترسیێ دانە، ئەڤجا باشترە ٤٠٠ بۆ سەری ل دوری خالا (١) بھێنە دانان.
٣- پێدڤی یە حکومەت نەھێلیت ئەڤ کومپانیە بۆ مەبەستا خۆ یا ماددی و لسەر کیستێ ساخلەمیا خەلکی، بورجان لناڤ باژێراندا زێدە بکەن و باشترە مەرجێن ساخلەمیێ لبەر چاڤ وەربگرن.
٤- باشترە ئەڤ بورجە ل دەرڤەی باژێران بھێنە دانان.
٥- دانانا ڤان بورجان ب رێکێن ئەندازیاریا سەردەم، گەلەک رۆلێ خۆ دبینیت.
پێزانینێن گشتی:
١- ھەکە شەبەکە یا زەعێف بیت، باشترە پەیوەندیان ئەنجام نەدەن، چونکۆ ھەول ددەت پتر مەوجان وەربگریت.
٢- گەلەک باشە پتر ب (سماعە خارجی) ب ئاخڤی و تەلەفونان نەدەیە بەر گوھێن خۆ.
٣- ھەول بدە ھند تەلەفون نێزیکی تە نەبیت (یانکۆ باشترە ھند نەکەیە د بەریکێن خۆدا).
٤- باشترە ھەتا تەلەفون نەھێتە بەرسڤدان، نێزیکی گوھێن خۆ نەکەی
٥- ھندی بشێی پەیوەندیێن خۆ کورتتر لێ بکە و بتنێ بۆ پێدڤیا کاری بیت.
٦- گەلەک خۆ نێزیکی وان کەسان نەکە یێن ئامیرێن (دل و گوھان بکار دئینن، چونکۆ دبیە جھێ ڤێزاریێ بۆ وان).