سەرنووچە:

کون یا ژ پاتەیی مەستر لێ دهێتن!!.

2/9/2020 4:18:37 PM
2435 جار خوێندراوەتەوە
سەید ئەکرەم
+ -

مە گوت عێراق وەلاتێ عرق و دین و مللەتایە، لێ خودان شارستانیەت و دەولەمەندیەکامەزنە، ئەم بەحسا دێروک و شەرستانیەتا وێ ناکەین، لێ دێ بێژن ئەڤ وەلاتە بھەردەمی  تژیە ژ ھەڤرکانی و پێکدادان و لێکدانێن مەزن، چ ژ بەرئەنجامێ ھەبونا نەژاد و توخمێن ژێک جودا یان ژی ژ بەرئەنجامی ھزر و بیر و ئایدیا و دین و مەزھەبێن وێ، یێن جودا جودا، ئەڤەپرسەکا ئالوز و مشتی کێش و ڤەکێشە.جارێ ئەم ل سەر ئەڤێ ژێ نا ئاخفین، دێ ھێین پیچەکێ بەحسا مژارا لپاش ئازادیا عێراقێ( سالا۲۰۰۳ێ) کەین، مەدگوت سەدام و حزبا بەعس دکتاتورن، مروڤ کوژن، زولمێ دکەن..ئەوان ئەنفال راکرن، خەلک کیمیا باران کرن، کوچ و چول کاریی ب بەرنامە کرن، کوشتارگەھێن مەزن دروست کرن،براستی ژی وەسان بوو باشە ئەم بێینە سەر مژارێن لپاش حاکمداریا سەدامی.کوشتن دوقات و سێ قاتی بو، دزی و تالانکاری بویە پیشە، جاسوسیەت، درە وفەسادا ئەخلاقی چەندین قاتی بوویە، ل ھەر جھەکی جوداکاری و مرن دھێتنە دیتن و بەرنامە کرن.

وەلات بویە وارێ شەبەح و تورێن قاچاغ و تەزویرێ، باب خودانیێ ل کوری ناکەتن، کور خو ل بەندا بابی ناگرین..سەردەمێ مەجلس الحوکم، جەعفەری، مالکی، عەبادی، عادل عبدالمھدی...بنەفسێ تاس و حەمامان دەرباز بوو.ھند نەمایە محمد تەوفیق عەلاوی حوکمی وەربگریتن و ھێشتا نەچوویە سەر کورسیکێ نەرازیبوونان جادە یێن داگرتیتن، گازی دکەن، عەلاوی کاندیدێ ئیرانێ یە،بەربژێرێ سەدری و حەشدا شەعبیە، نوێنەراتییا حزب و قەوارەیێن گەندەل دکەن، نکاریتن جادا عێراقی تێر بکەتن کەواتە رەوشا عێراقێ یاخرابە، ھەردچیتن خرابترێ دبیتن، دا ئەم دەست ژوان بەردەین و بێینە سەر پرسا ھەرێما کوردستانێ.

حاکمداریا ھەرێما کوردستانێ پیچەکێ بێخین بن روناھیا چاڤان ئەڤە زێدەتری۱۷سالانە عێراق ئازاد بووی، روژ ب روژێ رەوش خرابتر و وێرانترە...باشە ئەڤە ٣٠ سالە ھەرێما کوردستانێ ئازبوویە، ئەم حوکمێ خۆ دکەین باشە وەلاتەک زێدەتی ھزار و ٤٠٠سالانە داگیر کری، مللەتەک بن دەست کو زێدەتری ٣٠ سالانە  ئازدابوویە، سالانە گەندەلی بەردەوامە و بوویە دیاردە، سەرکوتکاری و کوشتنا ئازادیێ بوویە کار، بێ باوەری، ئیرادەیەکا ھەژوک و لاواز، حوکمەکێ کلاسیکی بنەمالکی و پاشدامایی، ھەژاری، بێ کاری، برسێتی روژ ب روژێ رەوش خرابتر و وێرانترە، باشە ئەڤێ چەندە، کی ژێ بەرپرسیارە! کی ھەیە خو بکەتن خودان! چارەسەری دێ چ بیتن!! ئەم چ بژاردەیێ لبەر خو بگرین!! براستی ژی ئاسویەکێ زەلال ناھێتن دیتن و سەر کردێن مە، حزبێن مە، بزاڤا مە، تاکو خەلکێ مە ب گشتی گیرودەیێ بوریەکێ خراب و ھزرکرنەکا ئالۆزی و شوپ و رێبازێن کەڤنار و مژارەکا تاری و تەمەدویە،چاڤێن مە نابینن، ھشێن مە ژکار کەڤتینە ئەم ل ھیڤیا دوعایێن دەی باباینە، بخاترا خاترا ئەڤە ژی بێچارییە و بڤی رەنگی چارەسەری زور یا بزەحماتە! ل گورەی ھزرا من، چارەسەریێ، دێ کوم کەم و د سێ گوشەیەکێ دا دەمە دیار کرن:

١.ئەم وەکی مللەت(ب باش و خراب) دڤێتن، خیلافاتێن خو بدەینە ئالەکی، بگەرمی بێینە سەرجادەیان و گازی دەستھەلات و حزب و سەرکردە و بن گردێن خوە بکەین.بێژینێ ئێدی بەسە و شەرم ژ خو بکەن، ھوین بخرابیێن خو، ئەم ژی بوێ زولما ھەوە ل مەکری.وەرن دا دەستپێکەکا نوی، بەرنامەیەکێ نوی و گشتگیر پێکڤە دانینن، دەستێن خو بێخینە ناڤک و تونێلێن تاری بکەینە روناھی و بپێکڤەیی و بھەڤپشکی و بدادەڤانی خودانیێ ژ خو و ئاخا خو  ل دوزا خو بکەی.

٢.سەر ژنوی و بساخلەمی دام و دەزگەھێن خوە یێن ئیداری، مەدەنی، جەماوەری، لەشکەری، ئەمنی نویژەن و چاکساز و پاکسازی بکەین..قرێژ و گەمارا سالێن بوری بشوین و پاقژ بکەین، رێگەچارەسەری و سەمتەکا گەل ڤیانی و ئاخ پارێزی لبەر خو بگرین و پێکڤە بو ژیانێ و بو حەز ژێ کرنێ خەباتا مان و نەمانێ بکەین.

٣.دبلوماسیەتەکا نوی و بزانست بوون، پەیوەندیێن ھەمی ئالیان و بھەڤپشکیەکا ساخلەم و ل گورەی بەرژەوەندین ھەڤپشک و ئالیسەنگ چ لسەرئاستێ دونیایێ یان ژی لسەر ئاستێ ھەرێم و ناڤخویی لبەرخو بگرین و بسوزداری کار بکەین.

چ شک ژی تێدا نەماینە، بڤی رەنگی، ل سەر ڤان رێک و پرەنسیپێن کەڤنار و مالا مە ھەردێ یا وێران بیتن،تشتێ مە ھەردێ ل مللێ مەبیتن. نیشتیمان دێی داگیر کری بیتن، گەل ژی دێ رەڤەند و دەربەر بیتن  لەومانێ باشترین ناڤ و نیشان ئەوە بێژین کون ژ پاتەیی مەزنترە!!.