سەرنووچە:

ل بادینان داخازکرنا مافێن سەرەتایی تێکدەریە

5/18/2020 5:01:47 PM
597 جار خوێندراوەتەوە
عەدنان محەمەدتاهر
+ -

ھەر تاکەک د ناڤا ھەر ولاتەکێ دا بیت خودان ماف و ئەرکە، ئەڤ مافە دھێتە دان حکومەت چ خێرا ب ھاولاتیان ناکەت، دیسان ئەرک دھێت جێبەجێکرن کەس منەتا ل کەسێ ناکەت، لێ مخابن ھاولاتیێن ھەرێمێ ئەرکێ خۆ بەرامبەر حکومەتێ جێبەجێ کریە لێ حکومەت ھێشتا نەشیایە مافێن سەرەتایی دابین بکەت ، دەمەکێ دا دەسەلاتدار کورد و ھاولاتین کوردستانێ نە.

ل کوردستانێ ب گشتی حکومەتێ نەشیایە چاکسازیێ بکەت ، سەرەرای کو ئەرکێ حکومەتێیە چاکسازیێ بکەت و مافێن خەلکی دابین بکەت ، حکومەتێ ھاولاتی کرینە قوربانی سیاسەتا خوە ، ئامادە نیە گوھداریا خەلکی بکەت دیڤ حەزو ئارەزویێن حزبی کەڤتیە.

تایبەت ل بادینان داخازکرنا مافێن سەرەتایی قەدەغەیە ، دەسەڵات ب زمانەکێ روون رادگەھینت دبێژیت ئەوا ئەز دکەم و من دڤێت دێ ئەو بیت ، خوپیشاندان ١٦.٥.٢٠٢٠ ل دھوک پارکا ئازادی باشترین نمونەیە ، ڤێرە دەرکەفت چ پارکەک ب ناڤێ ئازادی نینە ، خرڤەکرنا ھزاران ھێزێن ئێمناھی بۆ ھندێ بوو ئەڤ خوپیشاندەرە داخازا مووچەیێن خو یێ ھەیڤانە نەکەن ، ئەڤە شێوازێ  سەرەدەریا رژێما بەعسا دیکتاتورە ، کەسانەک ب ناڤێ پەرلەمانتار و پلەیێن حکومی خوپیشاندەر ب تێکدەر وەسف کرن!! ، شینا حکومەتا خوجھی و بەشک پەرلەمانتارا ئەرکێ خۆیێ راستەقینە رابن و داخازا لێبورینێ ژ موچەخوران بکەن و دیڤ وان ھەمی داخازیێن خوپیشاندەرێن ئازادیخاز بچن، ب تێکدەر قەلەم دان ، ئەرێ ما وان بیر کریە ئەگەر خەلکێ باینان ھاتن سەر جاددێ بزانن کێرا گەھشتی سەر ھەستی.

د راستی دا حکومەتا ھەرێمێ ھەتا نوکە شکەستن ئینایە د رێڤەبرنا وەڵاتی دا ، حکومەتا ھەرێمێ سەرەدەریێن عەجێب و غەریب دکەت وەکی بێژی ئەو ھەسارەکا دی و ھاوڵاتی ھەسارەکا دیکە دژین ، یا ژ ڤێ خرابتر دەسەڵاتێ دڤێت ڤێ خوپیشاندانێ بێخیت ستویێ ھێزەکا سیاسی ، ژبۆ ھندێ ئەڤێ خوپیشاندانێ کرێت بکەت و ھەر جار تومەتەک دئێخیت پاڵ خوپیشاندەرا ، دەمەکێ دا خوپیشاندانەکا پاقژ بوو چ تشتەکێ غەریب ناڤا خوپیشاندەرا روونەدا کو جھێ پرسیارێ سەر ھەبیت.

ئەگەر داخازکرنا مافێن سەرەتایی تێکدەری بیت ئێدی بلا چ ھیڤیێن گەش نەمینن کو بەحس  ل چاکسازیێ یان دەسکەفتێن زێدەتر بھێن کرن بەلکی مەترسی درووست دبیت لسەر ڤێ قەوارێ سەر دەستێ مافخاریا ، ئەگەر ڤی رەنگی بچیت ھەر کەس بەحسێ مافێن سەرەتایی بکەت و بھێت گرتن چ کەس نامینت کو نەبیت تێکدەر.

ئەگەر حکومەت ھەر ڤی رەنگی سەرەدەریێ دگەل دەنگێ نەرازی بکەت ، رێکێ نەدەت رێکێن ھێمن و ئاشتی تعبیر داخازیێن خوە بکەن ،  ھەر خەلکی بێ دەنگ بکەن ب توندوتیژی بلا عەجێب نەمینن روژەک بھێت ئاڤا تەنگیایی دێ پەقیت و ئێدی دێ د کونترولا ھەمیان دا دەرچیت.