سەرنووچە:

ئاریشەیا عێراقیان دەستورە؟

11/21/2019 10:44:57 AM
4488 جار خوێندراوەتەوە
عەدنان محەمەدتاهر
+ -

ئەڤرو نەرازیبوونا ھاوڵاتیێن عێراقێ رێکێن جوودا چ خوپیشاندان بیت یان رێکن دی دگرنەبەر رۆژ بۆ رۆژ د زێدبوونێ دایە ، ئەو خەلکێ نەھێتە سەر جادان رامانا وێ ئەو نینە کە خەلک یێ رازیە ژ ڤی رەوشێ، بەلکی خەلک یێ ماندی بووی تایبەت پشتی ھاتنا داعشێ و ئەو رووداوێن ھاتی ریدان ل دەڤەرێ، بلندبوونا دەنگێ نەرازیبوونێ یێ ئەڤرۆ نیە بەلکی یا کەڤنە ڤەدگێریت بۆ بەری نڤسینا دەستورێ نووی ، واتە دەستور ئاریشەکا سەرەکی نینە، خەلک ژبەر گوھرینا دەستوری ناکەڤیتە سەر جادەیان چونکی دشێم بێژم پتری ٧٠% ژ خەلکێ عێراق نزانیت ناڤا دەستور چ تێدا ھەیە؟. راستی دا ئەگەر ئاریشەک ژی ھەبیت ئەو ژی نەجێبەجێکرنا مادەیێن دەستورە.

 سیاسیێن عێراقێ ژ بووی بەرژوەندیێن خوە دڤێت خوپیشاندانا ئاراستە بکەن، داخازیێن خوە دکەنە ناڤێ داخازێن جەماوەری تێکھەڵ دکەن، رێکا راگەھاندنێ و خەلکێ بخو  یێت ناڤا خوپیشاندان شیانە داخازیێن خوە بلند بکەن کو دەنگ بدەتەڤە ھەتا ب جورەکێ شیانە کاریگەری سەر جەماوەری درووست بکەن. راستی دا ھێزێن سیاسیێن عێراقێ و کەسێن خودان بریار بەشەکێ ھەرە سەرەکینە ژ ھەمی کێشەیێن ئەڤرۆ و بەری نھانە کو ھاتینە ریدان، ھەر ئەوان ئەڤ توڤێ دووبەرەکی ژ نەتەوەیی و ئاینی ناڤا وەڵاتی بەڵاڤکریە، ھەر روژ قەیرانەکێ دئیننە د ساحێ دا، گوھرینا دەستوری یان گوھرینا حکومەتا نووی یا عێراقێ دوو خالێن ئاشکرانە کە چەند لایەنەکێ سیاسی عێراقێ دڤێت بگەھن ئامانجەکا دیاری کری، چونکی ھەمی دزانن کابینەیێن بەری نوکە عێراق مەزنترین تووشی ئاریشە کر، وەلات سەر ئەرد و بن ئەرد تاڵان دکر و دفرشت، ھەر جەماوەر ژی دەنگ ڤی دەستوری دایە کە دڤێت بگوھرن.

 یا جەماوەرێ نەرازی دڤێت ئەو ژی گوھرینا سیستەمێ رێڤەبەریا وەڵاتیە، کێمی یا خزمەتگوزاریا جوودا ژ داھاتەکێ خەیالی عێراقێ ھەیی، بەشەکێ ھەرە مەزن ڤان ئاریشەیان ڤەدگێریت بۆ کابینەیێن چوویی و لایەکێ دیش ھەر ئەڤ کەسەنە ئەڤرۆ رێکێ نادەن چاکسازی بھێنەکرن، ژبەر کو کەسێن خودان بریار و کاریگەرن ناڤا حکومەتێ دا، سەروکاتیێن عێراقێ بەرامبەر ڤان کەسان ھەژارن نەشێن سنوران بوو دانن. بەشەکێ زوور ژ داخازیێن خەلکی خۆ دبینت ژ پێتڤیێن سەرەکی یێن رۆژانە  ژ وان ئاڤا ڤەخارنێ، کارەب، کەرتێ پەروەردێ، ساخلەمیێ کو خەلک ژ بەر نەبینا وان دنالیت، خەلک داخازا حکومەتەکا رەشید و دادپەروەر دکەت، خەلک داخازا دەرفەتێن کاری دکەتن، ڤێجا گرنگ نیە چ ھێزەک یان سەرکردەیەک ڤێ کاری رادبیت، نەھێلانا گەندەڵی و ڤەگەراندنا داھاتێ عێراقێ بۆ خزمەتا ھاوڵاتیان پتریا خەلکێ نەرازیە. ئەولەویەتا ھێزێن سیاسی گوھرینا دەستورە کە ئەڤە ژی دھێتە گومان کرن دەستێ دەرەکێ تێدا ھەبیت، گوھرینا دەستور چ گرەنتی نینە کە ھەرێما کوردستان زیان نەگەھیتێ، تایبەت ئەو کەسێن پشتی ریفراندومێ نەگەھشتی ئامانجا خوە کە دڤێت گوھرینا دەستور ڤێ ئامانجێ تمام بکەن، ئەگەر کورد خو بۆ ڤێ قوناغێ ئامادە نەکەن دیر نینە توشی شکەستنەکا دی ببیت.

 گوھرینا دەستوری ئاریشەیێن ھاوڵاتیان چارەسەر نابن بەلکی گوھرینا عەقلیەتا سیاسیان و سەروەریا یاسا چارەسەر ئاریشان دبن، وەڵات ئاڤەدان و پێشکەفتنێ خوڤە دبینت