سەرنووچە:

نیسکا ئەردوغان ل ھەولێرێ کەلاند

7/28/2019 2:42:15 PM
4657 جار خوێندراوەتەوە
دلشاد ڕەشید گوهەرزی
+ -

د گەرماھیا پرسگرێکا موشەکێن سوڤێتی دا ل ئوکتوبەرا ١٩٦٢ز پشتی وان پێشڤەچون و گوھرینێن ستراتیژی ل نیمچە گزیرتا کوبا روویدای دەرئەنجامێ دەربەیا ڤیدێل کاسترو و گیڤارا بسەر باتیستایێ ھەڤالبەندێ واشنتونێ دا بێ گومان  کارگەرترین مەترسی بوو ب سەر وولاتێن ئێکگرتی دا ھاتین پشتی بویەرێن بیرھاربر کو پاوانەکێ مەزن ژ سنورێن باشورێ وەلاتی کەفتنە بەر گەفا پێلێن (کومونیزمێ ) فاکتەرێ سەرەکیێ سوتنا ھەمی کارتێن واشنتونێ و نەھێلانا مەترسیا (کوبا)یا کومونیست ل سەر سنورێن خوە دەستێوەردانێن راستە راست ژ دەرڤەی عورفێن نیڤنەتەوی پالپشتی یا یەکیتی یا سوڤێت بوو، کو دەست و پێن ئەمەریکا گرێدان لەوما ب عورفێ تەڤدەمیێ کاپیتالیستی ب نەچاری ب رێیا  (سی ئای ئەی) کەفتە ئامادەکرنا پلانگێرییەکێ کو  ب کریارا ( نورپ دوز) بەرنیاس بو کو د ناڤەروکا وێ داکوکی ل سەر کریارێن تیروری و کوشتنا پایەبلندێن حکومەتا فیدرالی و پەقاندنا بورجێن لوس ئەنجلیس و  بومبەبارانکرنا کەشتی و بنگەھێ سەربازیێ ئەمەریکی ل گزیرتا بەرازان، کو ب رەنگەکێ بەھانەیان بدەنە دەستێ جون کێندی کو ھێرشی کوبا بکەت سوڤێت بێ دەنگ بمینیت و روژھەلاتا دەریا کاریبی و ئەمەریکا ناڤەراست و جیھانا رۆژئاڤایی ژ مەترسیی یا تیرۆرا کوبا دەربازبکەت و وەکە رایەدارو سازییێن راگەھاندنێن واشنتونێ ئیدیعا بۆ دکر سەیرە! ژ ھەمیێ سەیرتر ئەکتەرێن سیناریویا پلانگێریێ  کوبییێن یاخییێن ژ رژێما ڤیدێل کاسترو بخوە بون!!!

نورپ دوز بەر ب ھوقەبازی

 د ١٠٠ سالێن دەربازبووی دا ھیچ دەمەکێ ناڤەندا دەولەتێن کولونیالیزمێن کوردستانێ ( ئەنقەرە - تەھران - دیمەشق - بەغداد ) وەکە نھا شەپرزە نەبوینە و ھیچ دەمەکێ ئەڤ ڤالاھیێن ھەیی وەکە نھا نیڤ ستاتویێن خوەسەر دناڤ دا نەبوونە دیفاکتو ژ لایەکێ دیڤە  پرسگرێکا گەلێ کورد ژ ئینکارێ و نەناسکرنێ بەر پێڤاژوویا بنەجھبوونێ دەربازبوویە ب تاییبەت ل باکورو رۆژئاڤایێ کوردستانێ کو د نھادا سەنگەرێ یەکەمینێ دەولەتا تورکە کو مەترسیێن جدی ل سەر بازنەیێ بریارا ئاکەپێ و سازیا لەشکری و پرنسیپێن کەمالییەتێ ل تورکیا چێکرنە، تورکیا ھەر ژ دەسپیکا سالا ٢٠١٣ز دوو چارەیێن ستراتیجی و تەک ئالی و ئێکلاکەر ھەلبژارتنە ژ بۆ چارەسەریا پرسگرێکا گەلێ کورد ڤەژاندنا ئابوریا دەڤەرێن باکورێ کوردستانێ کو ئارمانج پێشخستنا رەوشا ئابوری  و نەھێلانا بێ کاریێ کو د زھنییەتا دەولەتێ دا فاکتەرێن تەڤلێ بوونا خورتێن کوردانە دناڤا تەڤگەرا پەکەکێ دا و پێشخستنا تەکنولوژیا سەربازی کو تا رادەیەکێ میکانیزم و ھونەرو کاریگەریێن شەر ل گور ١٠ سالێن دەربازبوویی گورانکاری بخوە ڤە دیتنە دژوارتربوونە لێ ئەنجام نەگرتنە، بەروڤاژی پرسگرێکا گەلێ کورد ب بەر ب پێڤاژوویێن گرنگتر دەربازبوو ئێدی  رێیێن جەرباندی و نەجەرباندی (کوشتن و توقاندن) کونترولا وێ پێ نەھێت کڕن لەوما ئاکەپە کەفتە پرەکتیزەکرنا سیاسەتا (ئەسمیلاسیون) حەلاندنێ  و قەتل و عام کرنێ و کاڤلکرنا سورا ئامەد و شرنەخ و نوسەیبین و شەمزینان و ھەزەخ و جزیرێ تا گەھایە عەفرینێ،‌ دنھا دا حازریێن داگیرکاری یا رۆژھەلاتا رووبارێ فوراتێ دایە، کو عومقێ ستراتیژیێ باشور و باکورێ کوردستانێ یە لێ تا نھا ئەمەریکا کارتا سور ل ھەمبەر بلندکرییە و دەرفەتا دەستێوەردانێ نەدایێ  و بن چاڤ کرنا دەمیرتاش ب دەھان پەرلەمانتەر و سەدان ئەندامێن ھەدەپێ ب ھزاران فەرمانبەرێن کورد ب بەھانەیێن تیرۆرێ ل سەڕ کارھاتن لادان کو ئارمانج خاڤکرن و ژناڤبرنا ئێرادەیا گەلێ کورد و ئازراندنا ھەستێن نەتەوەپەرستێن تورک و رایا گشتی گەلێ تورک بوو لێ کارڤەدان بەرووڤاژی بوون تەڤایا پلانێن ئەردوگان ژ تەغزیەکرنا تیرۆرێ کو ھاوولاتیێ تورک ژ سەدەما باجێن گران ھاتیە دووشین دیسان ھەڤرکی یا پەکەکێ کو د دەمێ سالەکێ دە بکێماسی پێدڤی ب ٨ ملیار دۆلاران ھەیە گەرەنتیا ژ دەست نەدانا ئێستەنبول و ئەنقەرێ نەکر کو دەنگێ کوردان ھیڤییێن دووبارە حوکمداریا ئاکەپێ بن ئاخ کرن .

چارە  ل باشورە!

 ھەبوونا ستاتویێ خوەسەر ل باشورێ کوردستانێ ب  نێرینا تەڤایا تەخا سیاسی یا تورکی بێ جوداھی گەفە پلانێن ژ ناڤبرنا وێ  د ئەجندایێن تەڤایا پارتێن سیاسی دا ھەنە مەسعود یلماز ب (دایک )وەسف دکر کو گەڕ بخازین تورکیا ئیران و سوریا و ئێدی پارچەنەبن پێتڤی ب پەرچقاندنا دایکێ (باشورێ کوردستانێ)ھەیە، ئەردوغان ب (گەرافکا باکورێ عێڕاقێ )ناڤ دکەت و ل دەمێ پروسێسا ئازادی یا عێراقێ ل سالا ٢٠٠٣ز یەکەم جار و دووەم جار سالا ٢٠٠٧ز گەفێن داگێرکاریێ کرن لێ ئەمەریکا دەرگەھێن داگیرکرنا باشور دائێخستن، ب ھیچ رەنگەکێ دەرفەتا ھێرشێ نەدایێ، لەوما ئەردوغان ئوپشنێن ھێرشا تەقلیدی ب پلانگێریێ گوھارتن یەکەم ھەولدان ئاراستەکرنا چەتەیێن داعش بوون بەر ب ھەولێرێ ڤە ل تەباخا ٢٠١٤ ز کو مەترسیەکا ستراتیجی و گەفا ژناڤبرنا حکومەتا ھەرێمێ لێ دھاتە کرن، بێ کو ب گولەیەکێ ژی پارێزبەندیا ھەڤالبەندا خوە یا ستراتیژی (پارتی )!!بکەت، ب بەھانەیا دیلێن خوە، دووەم جار ب سەدەما ریفراندووما ٢٠١٧ز تورکیا دەست ب پلانگێریا سێ قولی (تورکیا-ئیران-عێراق) کر داوی جار رەوشا ئیقلیمی و رێگریێن زلھێزان ل سەر پاشڤەچونێ نەچارکرن، لەوما د نھادا ئاکەپە زێدەتری ھەردەمەکێ نەچاری سیاسەتا خۆ کوشتنێ (پلانگێریا ھوقەباز)ێ یە، د چارچوڤێ سیاسەتا (فرق التسد)دا ب رەنگەکێ دووبەرەیێن کوردان ل دوو چەپەرێن ھەڤدژدا لھەڤ سەنگەر بکەت ژ بۆ بدەستخستنا ئارمانجێن گرنگ ژ وان داگیرکاریا زێدەتر ب کویراتیا ١٠٠کلم و ئاڤاکرنا پشتینەیەکا ئەمنی ل پانتایی دەشتێن باشورێ کوردستانێ ب رەنگەکێ تەڤایا مەجالێ حەیەویێ پەکەکێ کو رۆژئاڤایێ کوردستانێ دەربازی شەنگال و مەخمورێ و کەرکوکێ  تا قەندیل دبیت ژێک ڤەقەتینیت دھەمان دەم دا دەستێ حکومەتا ھەرێمێ ب تاییبەت یەنەکێ ژ کەرکوکێ دویربێخیت.

ھەروەسا کار ژبو ئاڤاکرنا ستاتویەکێ تورکمەنان بێت کرن کو دویر نینە د سەروبەندێن ژ کارکەفتنا پەیمانا لوزانێ دا ئەڤرۆ زێدەی ھەردەمەکێ داخویانییێن دژوارێن ئەرشەدسالحی ل گور کەرکوکێ راستی یا بابەتی ئەشکەڕادکەن، دیسان پارچەکرنا باشورێ کورستانێ ل سەر دوو ئیدارەیێن جودا ژ بەرمایکێن کومپلویێنە، پارتی بخوەژی بەرەیەکێ گرنگێ یاریێ یە کو ئەشکەرایە د١٠سالێن دەربازبووی دا پەکەکێ مەترسیێن جدی ل سەر پاشەروژا نفوزو ئەجندایێن وێ چێکرنە ل باکور و رۆژئاڤا تەمام لاوازبوونە د سەروبەندێن گەفێن ئەمەریکا ل سەر ئیرانێ ئامادەکارییێن پەکەکێ ژ بو ڤەگوھاستنا تەجروبەیا رۆژئاڤا بۆ رۆژھەلات ئێدی پارتی وەکە ھێزەکا سەرەکی د قەوقەعا بادینان دا دمینیت و دیسان بەرژەوەندێن ئابورییێن پارتی و تورکیا کو د قالبێ بەرژوەندێن ھەڕدوو حکومەتان دا کومڤەکرنە بابەتێ کارئاسانی و پێڤکەکارکرنێ خورت کرنە.

٣٠سالن پەکەکێ خوە ژ کلتورێ ئیغتیالاتێن سیاسی دایە پاش پشتی وان کارڤەدانێن خرابێن ب سەر تەڤگەرێ داھاتین د سەروبەندێن کوشتنا (ئەلوف دالمە) سەروک وەزیرێ سوێدێ سالا ١٩٨٦ز کو د بنگەھـ دا دەستێ میتێ دناڤ دە درێژببو لەوما بابەتێ تولھەدانا دیار غەریب نابیتە کارمەندەکێ بناڤ دبلوماتکاڕ ژ بۆ ھەرکەسێ شەھرەزایێ درێژیا دەستێ پەکەکێ بیت کو دکیراتیا تورکیا دا کریارێن تولڤەکرنێ ئەنجام دایینە لێ داوی جار کارڤەدانێن خراپ ل پەی خوە ئینانە، کو ئێدی ئەڤ کلتوڕە خزمەتا وێ بخوە ناکەت، دنھادا گرنگە پەکەکە کاڕ ژ بۆ چریک کرنا بۆمبا ئەردوغان ل ھوقەبازی بکەت، ھەمان روویدانێن ٩٢،٩٥،٩٧ دووبارە نەبن کو ستاتویێ باشور و رۆژئاڤا کو وێستگەھێن پێڤاژوویا پرسگرێکا گەلێ کوردن د پێشڤەچونێ دەنە پارێزگاری یا باشور ئەرکێ ئەخلاقیێ پەکەکێ یە کو دیرۆک دێ محاسەبەیا وێ کەت زێدەتر ژ ھەرئالیەکێ دن دیسان لازمە ژی باشور ب کریار ببیتە گەرافکا بن ئاخ کرنا ئەجندایێن ئاکەپێ و دەولەتا تورک.