سەرنووچە:

بادینان تنێ دوو بژاردە نینە

2/21/2021 8:57:49 PM
1883 جار خوێندراوەتەوە
جێگر مامسال
+ -

سەرەڕای وێ تەماحکاریا دەولەتا ھەڤسوی دگەل بەھیدیان ، کو چەندین دەڤەرێن ستراتیژی ئێخستینە دبن کۆنتڕۆلا خۆدا، و بەردەوام ھەولددەت قەڵەم ڕەوییا خۆ ل ڤێ دەڤەرێ بەرەڤ پێشتر ببەت و بزاڤا دروستکرنا ئیمپراتۆریەتەکا نوی ددەت لڤێ دەڤەرێ ، بۆی ڤێ چەندێ ژی ھەولددەت جھـــ پێیێن خوە لڤێ دەڤەرێ موکم بکەت.

تا ڤێرێ نە تشتەکێ غەریب و عەجیبە، بەلێ یا غریب ئەوە کو کورد ڤان تشتان نابینیت یان باشتر بێژین نەڤێت ببینیت، و بۆی وان نە خەمە کو بەردەوام سەروەرییا ئاخا وان بھێتە بنپێکرنو ھەڤوەلاتیێن وان بھێنە شەھیدکرن و گوندێ وان بھێنە چۆڵکرن.

تنێ ھەمی ھەڤڕکییا وان سەرا وێچەندێیە کانێ کی دێ بەرامبەری خۆ شکێنیت، ب ھەر ڕەنگەکێ ھەبیت بۆ وان نە خەمە.

یا عەجێب ژی ئەوە کو ھەمی ھێزێن سیاسی نەشیاینە یان ژی نەڤێن ھەڤڕکیێن خۆیێن سیاسی بھیننە بەھدینان، مەیدانا سیاسی یا چۆلکری بۆ دوو ھێزان کو ھەردووک ژی خوەدیێن ھێزێن چەکدارن و لھەر دەمەکی ناکۆکیێ وان یێن سیاسی زێدەلێبھێن دبیت بگەھنە وێ چەندێ کو ھێزێ ل دژی ھەڤدو بکاربئینن.

یا گرنگە کو ھێزێن دیێن سیاسی پێکۆلا وێ چەندێ بکەن کو ب فیعلی بھێنە دناڤا گۆڕەپانا سیاسییا بەھدینان و کارێن خۆیێن سیاسی ل ڤێ دەڤەرێ گەشێ پێبکەن، ب تایبەت ئەو ھێزێن سیاسی کو بۆ جارا ئێکی لڤێ دەڤەرێ ھاتینە دناڤا ئاخا کوردستانێ و دروشمێ وێ مافێ چارەیا خۆ نڤیسینێ بوویە.

چونکی ب ڕاستی ژی ھندەک ھزرێن سیاسی ھەنە کو بزاڤێ دکەن سیاری وێ پێلا نەڕازییا خەڵکی ببن ل بەھدینان، کو گەلەک دویرن ژ ھزر و داب و نەریتێن ڤێ دەڤەرێ و دبیت ل دەمێ ڕاستییا ڤان ھزر و بیروبۆچوونان بۆ خەلکێ بادینان دیاردبیت ، دبیت کو ب ھیچ شێوەیەکی نەھێنە قبولکرن، چونکی خەڵکێ ڤێ دەڤەرێ داب و نەریتێن وان دجیاوازن دگەل ھەر دەڤەرەکادی و زۆربەیا وان کەسانێن محافزکارن.