کاربرێکەرێن حکومەتێ ژ یاسایێن خودێ دترسن؟
7/13/2020 8:50:54 PM
1992 جار خوێندراوەتەوە
شەمال یونس
+
-
بمخابنیڤە نە د کارناما پار ساڵ دا وەکی ئەڤرۆ نە د سالڤەگەرا وێ دا، ب ئێک پەیڤا تنێ ژی خزمەتا ئایینێ ئیسلامێ د پڕوگرامێ حکومەتێ دا نەھاتیە بەحسکرن.
بەروڤاژی ھندی دچیت دژیاتیا ئیسلامێ دھێتە کرن ژلا یێ وان یێن ئەڤرۆ دەست بسەر رێڤەبرنا ڤی مللەتی دا گرتین، ھەر دەستپێکێ خوە ب علمانی داینە دیارکرن، ھەول دھێت دان کو پیروزیێن پتریا ڤی مللەتی کێم بکەن، وێنێ ئیسلامێ ل پێش چاڤێ خەلکێ رەش بکەن، سالێن بوری پتریا بەشێن خاندنێ یێن ئیسلامی ل زانینگەھـ و قوتابخانان ھاتن داخستن یان ژی ناڤێن وان ھاتن گھورین بوونە ھندەک بەشێن دی دانە کار تایبەت ل بادینان، ھەروەسا پتریا زانا و مەلایان ژ مینبەران ئینانە خارێ و مەلایێن پشتگێریا وان دکەن ل جھێن وان ھاتنە دانان و د نوکەدا ژی سەردەمێ کورونایێ تنێ دەرگەھێن مزگەفتان ھاتنە گرتن ھەمی سیک و بازار و جھێن کرین و فروتنا ئاژەلان ب شێوەیەکی بەرەلایی ڤەکرینە ئەڤە ژی دبیت جھێ گومانێ بوچی ھەمیان مزگەفت گرتینە؟ چونکی دزانن ئەگەر دەستورێ ئیسلامێ بھێت جێبەجێکرن ھەم خەلک دێ ھێت ھشیارکرن و ھەم ئەو نەشێن دزیا بکەن.
ئەو حکومەتا کو دەستورێ خودێ پشت گوھـ ڤە بھاڤێژیت ژبەر وێ چەندێ دا کو پشتگیریا ھندەک ماسونی و ساھونیا بدەست ڤە بینیت ئەوێن کو بس ژبەر بەرژەوندیێت خوە پشتگریا مللەتان دکەن ھەردەما بەرژەوندیێت وان نەمینن خەلک و وی مللەتێ پش گوھێ خوەڤە دھاڤێژیت ، حکومەتەکا بڤی شێوەی بەرەکەت دناڤ دا نامینیت و ئەو کەسێن د ناڤدا ژی دێ بنە دڕندە، وەکی نوکە ئەم دبینن پتریا وان دزن، داھاتێ ئەڤی مللەتی ھەمی بۆ وان دچیت و مللەت ژی دناڵیت ژ ھەژاریێ، ئەڤەنە پێگریێ ب یاسایێن خودێ دکەن و نە پێگریێ ب یاسایێن دانایێن عەردی دکەن، وەکی دارستانێ لێ ھاتییە بھێز لاوازان دخون، میللەت ژی یێ ھاتی ترساندن و تەپەسەرکرن چونکی چ یاسا نینن میللەتێ ھەژار بپارێزن، دورست یێت زڤرین سەر دەمێ جاھلیەتێ ، ھەژار ئانکو بەندە،
ئەز ب ھویری گوھداریا پروژێت (حبر علی الورق) یێن حکومەتێ دکەم د ئامادە نینن خزمەتا ئیسلامێ بکەن، و ئەڤەژی د زڤریتن بۆ چەند خالەکان ئەو ژی ئەڤەنە:
١.بنـە جھـ بوون و بەربەلاڤ بوونا یاسایێت ئیسلامێ نە دز دشێت دزیا بکەت و نە درەوکەر دشێت لسەر درەوا خوە بەردەوام بیت.
٢.وەلاتی ھند یێ برسی کری ئایین ل ھزرا وی نەھێلایە کو داخازا خزمەتا ئایینێ خو بکەتن، یان نانی گرنگتر دبینیت ژ ئایینـی.
٣.ترسا حکومەتا مە ژ وان وەلاتێن نێری ل نێری مارە دکەن و روژانە ب سەدان کچا دەست درێژیێ لێ دکەن، وان وەلاتێن ژێدەرێ مەیخانە و قومارخانا، نەکو لێ توڕە ببن، ئەگەر ئەو بەحسا ئیسلامێ بکەن و د ترسن وانا قەدەغە بکەن ژ دیسکو و ھوتێلێنVIP.
٤.د ئیسلاما راستەقینە دا سزا بۆ تاوانباری ھەیە بێی جوداھی، لەوا حەزناکەن ئەو راستی بھێتە مەیدانێ، چونکی ئەو بخو دێ بنە سزا وەرگێرێت ئێکەم.
یا ژ ڤێ چەندێ ھەمیێ مەزنتر و خزمەت نەکرنا ئیسلامێ رادبن ب دانانا کەناڵا و پروگرامێت تایبەت، ل دور گومان خستنا لسەر ئیسلامێ، و کرێت کرنا دروشمێت دینی و بھێزکرنا پێکا ئیلحادێ و بێ دینی یێ.