سەرنووچە:

دژە گەندەڵى و ڕاوەستانەک و دوو پێنگاڤ

7/2/2020 5:58:01 PM
739 جار خوێندراوەتەوە
جاسم محەمەد
+ -

ل وەڵاتێ مە ھەتا ئەڤرۆ – مخابن - کەنیا ب ئاقلێ مە دھێتە کرن، ولەیزتن ب چارەنڤێسێ مە یا بەردەوامە، تا نھا دەنگێ شەرە گەندە ترڵی زۆر یێ بلندە ژکوپیتکا حوکمڕانیا کوردستانێ پشتی کون گەلەک ژھەمی جۆرێن پنیدۆزکرنێ مەزنتر لێھاتی، وئەڤ وارە ژئەنجامێ گەندەڵکاریێ گەھشتیە ل سەر لێڤا نھالا ژناڤچوونێ، لێ درێژ ناکم ئەڤ دەنکێ بلند قەت جھێ باوەریێ نینە، کو ئەوێت دبێژن دێ پێژن ژی، ژبەرکو رێکا نەھێلانا ڤێ پەنجەشێرا پیس – گەندەڵیێ – نە ب گۆتن وپرۆپاکندەیانە وئاخفتنێت بریقەدارن، رێکا وێ – ئەگەر ڤیان وئیڕادە ھەبت - تشتەکێ دیترە!.

دێ بێژین رێکا ڕاستا چارەسەریێ ئەوە: بەریا ھەر کریارەکا چوونا بەرەڤ کنارێ چاکسازیێ حەتمەن دڤێت ئەو قویناغا ترسناکا گەندەڵیێ دویماھی پێ بھێت، چونکی ھەر کەسێ بچەک رێزێ ل ئاقلێ ھاوڵاتیا بگرتن دێ زانت خۆ یەک کەسێ خۆدان ژیر باوەرناکت چاکسازی بھێتە کرن دگەل خراپسازیێ؛ کو نابت دگەل پێڤاژۆیا بەردەوام یا قورغکرنا ئابۆری، وتاڵانکرنا سامانێ گشتی، وحزبیکرنا دەستھەڵاتێ، وبەرەڵاییا ئیداری، ونەدادیا جڤاکی، و بلا ل سەر بەرکێ بت نابت دگەل مانا سەدەھا ھزار بندیوارێت ب حەرامی ماڵێ گشتی پێ بەخشین، وئابۆرێ کوردستانێ ژناڤبرین...وھتد ژجۆرێت گەندەڵیا بێ وێنە موستەحیلە کارێ چێکرنێ بەرقەڕاربت، چەوا دگەل ئەڤا مە گۆتی ویا مە نە گۆتی چاڤێت چاکسازیێ دێ ڕوناھیێ بینن، چەوا دێ مومکن بت مرۆڤ ل دەستێ چەپێ ب رێڤە بچیت ودھەماندەمدا ل دەستێ ڕاستێ ژی بچیت؟!.

دڤێت ئێکەم تشت رێکا چەپ وچەبکرنێ بھیتە گرتن ب ڕاوەستانا دەستھەڵاداران ژگەندەڵیێ وڕاوەستاندنا گەندەڵکاریێ، وپاشێ پێنگاڤا ئێکێ بەرەڤ چاکسازیێ ئەوە: ل رێکا ڕاستێ ب دەنە ڕێ؛ کو بەرنامەیەکێ توکمەیێ دەستنیشانکری بھێتە پێشکێشکرن یێ کەتواری – واقیعی- بت، وقەبۆلکرن ئانکو تەوافق ل سەر ھەبت ل سەر ئاستێ دەزگەھێ تەشریعی ودیسان جەماوەری، وتێدا دادی بھێتە بەرجەستەکرن نەکو ل سەر حەسێبا خەلکێ خودان ماف وھەژران پلان بھێتە دارشتن، وەکی ئەڤا ل ڤێ دویماھیێ ھاتیە کرن فەرمانبەرێت خزمەتکار بکن قوربارنێت مافخوارێت ستەمکار، وبلیلا چاکسازیێ دبەڕا بۆ مە لێبدن!.

وپێنگاڤا دووێ ئەڤەیە: دەست ب رێکارێت ب لەز بھێتە کرن ژبۆ چاکسازیێ وقویناغێت دیار بھێنە ڕاگەھاندن، نەکو تەنھا بۆقێت دەستھەڵاتێ مەژێ مە ڕەش بکن ب بەحسێ چاکسازیێ، وبەرپەرێت سایت وپەیج وکاغەزێن رۆژناما ڕەش بکن دا دلێ خودانێت کوردستانێ – ھاوڵاتیان – خوەش بکن!.

بلا بزانن چ جاران دلێت خەلکێ خوەش نابن ھەتا چاکسازیا ڕاستەقینە پەیڕەو نە بتن ب سێ تشتێت بەحس ژێ ھاتیە کرن: ڕاوەستاندنا زولما گەندەڵیێ، ول خوەزڤڕینا بەرەڤ چاکی ودادیێ، وب جھئینانا پڕۆگرامێ چاکسازیێ.