سەرنووچە:

پارێزگارێ دھۆکێ قەبی دخازیت!

5/19/2020 1:20:42 PM
3335 جار خوێندراوەتەوە
گوهدار زێباری
+ -

ل دەمەکی دا خەلکێ مە چاڤەرێی ھاتنا مووچەیە و ب دلەکێ گەش ھەمبەر دوماھی ھاتنا کۆرۆنایێ راوەستیایە، ژبو ھندێ ژین و ژیارا وی دەست پێبکەتەڤە و مژویلی کارو کەسابەتا خۆ بیت لێ پارێزگارێ دھۆکێ (فەرھاد ئەتروشی ) ل شوینا ھندێ بھێتە سەر شاشەی ئارامیێ و مزگینیان بدەتە خەلکی دھێت کێشێن سیاسی گرژتردکەت و خواستا وەڵاتیان بەرەڤ ئاقارەکێ کرێت ڤە بەتن ب ئاشکرایی دبێژیت ئەز قەبی دخازم ! ، دوخێ کوردستانێ کو ئەم نھا تێدا دەرباس دبین سەر ئاستێ ناڤخۆ و دەرڤە نەگونجایە بۆ ڤان جورە خیتابێت تولڤەکرنێ و قەبخاز.

چەندین سالە خەلک بێ ئاڤ بێ کارەب بێ گاز و بێ مووچە شاکر ڕاوەستیایە لێ ئێدی سەبر نەمایە و ئەڤ توڕەییا خەلکی ژھناڤێت واندا ھەلقیایە و قەڕەپەستبونا داخوازیێت سالانە یە، لێ نھا جەنابێ پارێزگاری دھێتن ڤان دەنگێت نەڕازی ب تێکدەر و ئاراستەکری پەسن دکەت کو تنێ ڤیایە بێژن کانێ مووچێ مە !

دەمەکە ھاتیە دەستھەلات نەبانیا خۆ بھێلیت و بزڤریتە ناڤ مللەتی و ژ دیوارێن نەپەنی و ناڤچێن ڤەقەتیایی و گرێن بلند بھێنە خارێ، ژبەرکو ب باوەریا من مللەت دتەقینەکا بێزاریێ دایە ژڤان ھەموو وەعدو سوزێن جھ نەھاتی و خەیالێن خەونا ئاڤاکری.