سەرنووچە:

کچەکا دی یا ئێزدی ژ دەستێ داعشێ هاتە رزگارکرن

ژ ئالیێ هێزێن هەسەدێ ڤە
فۆتۆ: 
2019-01-20

1799 جار خوێندراوەتەوە

دیجیتاڵ میدیایا ئێن ئاڕ تی ، شنگال ، نەزیر شنگالی

کچەکا دن یا ئێزدی، ژ ئالیێ هێزێن سوریایا دیموکراتیک ڤە، ژ دەستێ چەکدارێن داعشێ هاتە رزگارکرن.

نووچەگەهانێ ئێن ئاڕ تی ل شنگالێ دازانین، کچەکا ئێزدی ب ناڤێ ئیلهام دەخیل عەلی ژ ئالیێ شەرڤانێن هەسەدێ ڤە ل باژارۆکێ سوسا یێ دێرازۆرێ ژ دەستێ داعشێ هاتیە رزگارکرن.

هەروەسا دازانین، کچا ئیزدی یا ١٨ سالی ل کۆمەلگەها خانەسورێ ژ ئالیێ مەجلیسا ژنێن ئێزدی ڤە هاتە وەرگرتن و رادەستی مالباتا وێ هاتە کرن.

ئیلهام دەخیل عەلی کچا ئێزدی کو خەلکێ ناڤچەیا تلقەسەبا باشورێ شنگالێ یە د دەما هێرشا داعشێ بۆ سەر شنگال و دەردۆرێ وێ دا، د گەل هەژمارەک ئەندامێن مالباتا خوە هاتە گرتن و ژ بۆ سوریایێ هاتە رەڤاندن و نها ژی پشتی زێدەتر ژ ٤ سالان هاتە رزگارکرن.

د مەها تەباغا ٢٠١٤ێ دا چەکدارێن داعشێ هێرشێ کوردێن ئێزدی ل شنگال و دەردۆرێ وێ کرن و ب هەزاران ئێزدی ژی هاتن کوشتن و رەڤاندن و ژ بۆ ناڤچەیێن دن یێن هەرێم و باکورێ کوردستانێ کۆچبەر بوون.

هـ.ج