سەرنووچە:

حکومەتا هەرێمێ، باج ل سەر جگارەیێن کو ژ دەرڤە تێن ئانین، زێدە کر

حکومەتا هەرێمێ، باج ل سەر جگارەیێن کو ژ دەرڤە تێن ئانین، زێدە کر
فۆتۆ: 
2018-12-08

216 جار خوێندراوەتەوە

دیجیتاڵ میدیایا ئێن ئاڕ تی، هەولێر، هێرش قادر

حکومەتا هەرێما کوردسرانێ ب بریارەکێ ب رێژەیا ١٠٠% باج ل سەر جگارەیێن کو ژ دەرڤە تێن ئانین زێدە کر.

وەزارەتا دارایی و ئابوریا حکومەتا هەرێما کوردستانێ د راگەهاندنەکێ دە کو کۆپیەکە وێ کەتیە دەستێ دیجیتاڵ میدیایا ئێن ئاڕ تی، دازانین، ژ بەر بەرژەوەندیا گشتی و پاراستنا بەرهەمێن ناڤخوە و هەڤتاکرنا رەسمیەتا گومرگا جگارەیێ ل گومرگێن هەرێم و عێراقێ، بریار ل سەر زێدەکرنا باجێ ل سەر جگارەیێن کو ژ دەرڤە تێن، هاتیە دایین.

وەزارەتا دارایی دیار کر، ١٠٠% باجا سەر جگارەیان تێ زێدەکرن و بریار د ٢ێ سوباتا ٢٠١٩ان دە تێ جیبجیکرن.

بەرێ ژی رێڤەبەریا دەریێ ناڤدەولەتی یێ حاجی ئۆمەران بریار ل سەر زێدەکرنا باجێ ب رێژەیا ١٠٠% ل سەر جگارەیێ دابوو.

هەر سال حکومەتا هەرێما کوردستانێ باجێ ل سەر کەلوپەلێن کو ژ دەرڤە تێن ئانین، زێدە دکە. ل گۆری ئامارەکا سەندیکایا ئابوریناسان.، داهاتا مەهانە یا هەرێمێ کو ژ جگارەیێ ب دەست دخە، ١٥٠ ملیۆن دۆلارن.

هـ.ج