سەرنووچە:

فلمەکێ کوردی دوو خەلاتێن ئۆسکار یێ بەلژیکی برن

فۆتۆ: 
2018-09-17

2916 جار خوێندراوەتەوە

دیجیتال میدیای ئێن ئاڕ تی، هەولێر، رێناس عەلی: ل فیستەڤالا فلمێ ئۆستەندا، فلمێ سینەمایی " زاگرۆس" شیا دوو خەلات بدەست بینیت.

د داخویانیەکێدا بۆ دیجیتالمیدیای ئێن ئاڕ تی، سەهیم عومەر خەلیفە درهێنەرێ فیلم ڕاگەهاند کو فلمێ وی بووە بەربژێرێ خەلاتێ باشترین فیلم، باشترین دەرهێنەر، باشترین سیناریۆ، باشترین ئەکتەرا ژن، باشترین وێنەگر و باشترین پرۆدکشن دیزاین، هەروەها شیا خەلاتێ باشترن سیناریۆ و باشترین فلم ببەت.

سەهیم زەلالکرنێن زێدەتر دان دەرباری خەلاتی کو ب خەلاتێ ئۆسکارێ سینەمایی بەلژیکا ناسکریە و ی دوو قوناغان ژ ئالیێ ٤٠٠ سینەماکاران و رەخنە گران دەنگ لسەر فیلمی ددەن، ئەو فلمێ زورترین دەنگێ لیژنەیێ هەلسەنگاندنێ بدەست بهێنیت، دێ بیتە سەرکەفتیێ خەلاتی.

چالاکیێن فیستەڤالا فلمێ ئۆستین، د ڕۆژانێن ٧-١٥ ئەیلولی ٢٠١٨ ل بەبژیکا برێڤەچوو، د چارچوفێ ڤیستەڤالێدا، خەلاتێ ئینسورس هاتە دابەشکرن.

ژ ئالیەکێ دن ڤە " زاگرۆس" کو بەرهەمەکێ هەڤبەشێ بەلژیکایە، هۆلەندا و کوردستانێ یە، د رێیا فیستەڤالا ناڤدەولەتیا فلمێ دهۆکێ بۆ خەلاتێ ئاسیا پاسڤیک سکرین شانیدە و بەربژێرێ خەلاتیە کو ب گرنگترین خەلاتێ سینەمایی ل ئاسیا دهێتە ناسین.

ئەڤسالە ١٢ هەمین خولا دابەشکرنا ئەو خەلاتە د ٢٩ تشرینا دووێ/ نۆڤەمبەر ٢٠١٨ دهێتە دابەشکرن کو نوێنەرێن ٧٠ ولاتێن کیشوەرێ ئاسیا و ئۆقیانۆسێ ئارام ل خۆ دگریت و باژێرێ بریزین ل ئۆسترالیا برێڤەدچیت.

خەلات د سالا ٢٠٠٧ ێ دا ب هەڤکاریا ڕێکخراوا یونسکۆ و یەکێتی ناڤدەولەتی بۆ بەرهەمهێنانا فیلمێن سینەمایی، دهێتە دابەشکرن.

"زاگرۆس" سەرکەفتیێ خەلاتێ باشترین فیلم د ٣٥ مین خولا فیستەڤالا ناڤدەولەتی فیلمێ ئونۆنایە ل باژێرێ ئونۆنای ل فرەنسا، هەروەها ٤٤ مین فیستەڤالا ناڤدەولەتی فیلم گێنت ل بەلجیکا، خەلاتێ مەزن فیستەفالێ بدەست ئینا کو خەلاتێ "Grand PRIX" بەوو.

ئەو بەرهەمێ سینەمایی دوو خەلاتێن دن ل پشکا هەڤرکیێن ١٨ مین خولا فیستەڤالا ناڤدەولەتی فیلم ئارەس ل فرەنسا بدەس ئینا.

" زاگرۆس" ئەڤسالە پشکداری د چەندین فیلمێن سینەمایی دا کریە، ژ وانا ٤٧ مین خولا فیستەڤالا ناڤدەولتی فیلمێ رۆتردام ل هولەندا و ١٤ مین خولا فێستەڤالا ناڤدەولتی سینەمایی دوبەی کو بەربژێرێ چار خەلاتا بوو.

ئەڤ بەرهەمێ سینەمایی چیرۆکا شڤانەک بنافێ زاگرۆس ڤەدگەریت کو هەڤژینا خۆ زور خۆشدڤێت، بۆ وی کوردستان بحشتە، لێ هەڤژینێ هاڤینێ و کچا وێ رەیهان، دچنە بەلژیکا،دووڤدا زاگرۆس ژی بریارددەت بچێتە وی ولاتی، لێ وێرێ......

سەهیم عومەر خەلیفە د رێیا فلمێن خۆ دا زێدوتر ژ ١٠٠ خەلات د فیستەڤالێن سینەمایدا وەرگرتینە.

ج.ف