سەرنووچە:

پەیڤدارێ نەوەی نوێ: د ھەلبژارتنێن پەرلەمانێ کوردستانێ دا دێ زێدەتر ژ ٣٠ کورسیان بدەستڤە ئینین

فۆتۆ: 
2018-09-17

4141 جار خوێندراوەتەوە

پەیڤدارێ نەوەی نوێ ڕاگەھاند، د ھەلبژارتنێن پەرلەمانێ کوردستانێ دا دێ زێدەتر ژ ٣٠ کورسیان بدەستڤە ئینین و دڤان ھەلبژارتناندا ئارمانجا مە چوونا گۆپیتکا دەستھەڵاتێ یە.

کازم فاروق پەیڤدارێ نەوەی نوێ ب ئێن ئاڕ تی ڕاگەھاند، وەڵاتیێن کوردستانێ دزانن کی ڕاستگۆ بوونە و ھەلۆیست ھەبوویە، دزانن ژی کی یێ گەندەلە و ڕابردوویەکێ پیس ھەیە.

گوت ژی، مە دڤێت ب بدەستڤە ئینانا زێدەتر ژ ٣٠ کورسیان ببینە ھێزا ئێکێ ل کوردستانێ و سەرۆکێ کابینەیا حکومەتێ ژی ژ نەوەی نوێ بیت.

پەیڤدارێ ڤەلڤینا نەوەی نوێ ئاماژە ب وێ یەکێ ژی کر، ئەگەر ڕێژەیا پشکداریکرنا خەلکی د ھەلبژارتناندا یا زۆر بیت وی دەمی نەوەی نوێ دێ بیتە ھێزا ئێکێ.

بڕیارە ٣٠ێ ڤێ مەھێ ھەلبژارتنێن، پەرلەمانێ کوردستانێ بڕێڤەبچن و دنھا ژیدا بانگەشەیا حزب و ئالییێن سیاسی یێن ھەرێمێ بۆ ھەلبژارتنان بڕێڤە دچن.

س.م