سەرنووچە:

روسیا و تورکیا دەربارەى کریزا ئیدلبێ ڕێکەفتن

ب مەرما دروستکرنا دەڤەرەکا ئارام
فۆتۆ: 
2018-09-17

1814 جار خوێندراوەتەوە

دیجیتال میدیای ئێن ئاڕ تی: روسیا و تورکیا لسەر درۆستکرنا دەڤەرەکا ئارام دناڤبەرا هێزێن حکومەتا سوریا و ئۆپزسیۆنێ دا ڕێکەفتن.

ڕێکەفتن پشتی جڤینا چار دەمژمێریا ناڤبەرا ڤلادمێر پۆتین سەرۆکێ روسیا و رەجەب تەییب ئەردۆغان سەرۆکێ تورکیا هات کو ل هاڤینە هەوارا سوچی ل روسیا ئەنجامدای.

پشتی جڤینێ، پۆتین د کونگرەیەکا ڕۆژنامەڤانیدا ئاشکراکر کو دگەل تورکیا رێکەفتینە لسەر دروستکرنا دەڤەرەکا ئارام ب کوراتیا ١٥ بۆ ٢٠ کیلۆمەتران د ناڤبەرا هێزێن حکومەتا سوریا و هێزێن ئۆپۆزسیۆنێ دا، " ئارتێشا سوریا و تورکیا چاڤدێریا وێ دەڤەرێ دکەن کو بریارە ل ناڤینا مەها داهاتی دەست ب درۆستکرنێ بهێتە کرن".

هەر د کونگرەیەکا رۆژنامەڤانیدا سەرۆکێ تورکیا ڕاگەهاند، خالێن چاڤدێریا ئارتێشا تورکیا ل پارێزگەها ئیدلب بهێزترکەن.

لگوری ڕێکەفتنێ دناڤبەرا تورکیا و روسیا، پێدڤیە د دەمێ چەند مەهێن داهاتیدا تەڤایا هێزێن ئۆپۆزسیۆنا سوریا ل وێ دەڤەرێ ڤەکێشن.

پشتی وێ رێکەفتنێ، پارێزگەها ئیدلب  ل هێرشێن چاڤەرێکریێن سوریا و روسیا رزگار بیت و هێزێن ئۆپۆزسیۆنێ ژی د پێگەهێن خۆ ل ئیدلبێ مینن، ئەڤە د دەمەکیدایە، د جڤینا سێ قولیا ناڤبەرا روسیا و تورکیا و ئیرانێ کو حەفتیا بووری ل تارانێ برێڤەچوو، روسیا داخوازیا تورکیا بۆ ئاگربەستێ ل ئیدلبێ رەتکر، بەرپرسێن تورکیا د چەند ڕۆژێن بووریدا ڕاگەهاند، روسیا دڤێت لژێر پاساوا دژە تیرورێ دا، ئۆپۆزسیۆنا سوریا کومەلکوژ بکەت.

ج.ف