سەرنووچە:

عێراق و سوریا دێ دەرازینکێن سنوری یێن دناڤبەرا خوەدا ڤەکەنەڤە

فۆتۆ: 
2018-09-17

2611 جار خوێندراوەتەوە

دیجیتال میدیایا ئێن ئاڕ تی: بوسەینە شەعبان شێورمەندا ڕاگەھاندنا سەرۆکێ سوریا ڕاگەھاند، وەڵاتێ وێ دبزاڤدایە دەرازینکێن سنوری دگەل وڵاتێ عێراقێ ڤەکەت، ب مەرەما بھێزکرنا پەیوەندیێن ھەڤپشکێن دناڤبەرا ھەردوو وڵاتاندا.

د بەیاننامەکێدا وەزارەتا دەرڤەیا عێراقێ ئەڤرۆ ڕاگەھاند، سەعید محەمەد ڕەزا بالیۆزێ عێراقێ ل دیمەشقێ د ھەڤدیتنەکێدا دگەل بوسینە شەعبان شێورمەندا ڕاگەھاندنا سەرۆکێ سوریا ل دیمەشقێ جڤیانە و پەیوەندیێن دناڤبەرا ھەردوو وڵاتان و چەوانیا ڕیبریبوونا تیرۆرێ کو بۆیە دوژمنەکێ ھەڤبەشێ ھەردوو وڵاتنان گۆتۆبێژکرنە.

لگوری بەیاننامەیێ، بالیۆزێ عێراقێ تەکەزیکریە لسەر گرنگیا دەرازینکێن سنوری دناڤبەرا ھەردوو وڵاتاندا، ب تایبەت دەرازینکێن ئەلبوکەمال و قائیم، کو مفایێ ئابووری و بازرگانی بۆ ھەردوو وڵاتان ھەیە.

ئەڤە ژی د دەمەکێدایە حکومەتا سوریا د ھەیامێن بووریدا دگەل حکومەتا ئوردن ڕیکەفت ژبۆی تەمامکرنا ڕیکارێن ھونەرییێن ڤەکرنا دەرازینکا سنوری یا دناڤبەرا ھەردوو وڵاتاندا.

پشتی شەرێ داعشێ ل سالا ٢٠١٤ ھەردوو دەرازینکێن سنوری یێن ئەلبوکەمال و قائیم دناڤبەرا عێراق و سوریا ھاتنە داخستن و دەما سێ سالان بوو دبن دەستێ چەکدارێن داعشێدا، دنھا ژیدا جار جار لڤینێن چەکدارێن داعشێ د وێ دەڤەرێدا ھەر مانە، ھەر ب وێ سەدەمێ ژی ھەیا نھا بالەفرێن شەری یێن عێراقێ ب ھێجەتا ھەبوونا داعشێ، چەندین جاران دەڤەرێن سنورییێن وڵاتێ خوە دگەل سوریا بۆمبەبارن دکەت.

س.م