سەرنووچە:

شاندەکێ سەربازییێ ئەلمانیا و حکومەتا هەرێمێ جڤیان

فۆتۆ: 
2018-09-17

2847 جار خوێندراوەتەوە

دیجیتال میدیای ئێن ئاڕ تی، هەولێر: ئەڤرۆ دووشەمبیێ شاندەکێ بلندێ ئەلمانیا ب سەرۆکایەتیا وەزیرا بەرەڤانیێ سەردانا هەرێما کوردستانێ کر و دگەل سەرۆکێ حکومەتا هەرێمێ جڤیا.

لگوری ڕاگەهاندنا حکومەتا هەرێمێ، شاندەکا ئەلمانیا  ژ ئۆرسۆلا ڤۆن دێرلاین وەزیرا بەرەڤانیێ و چەند بەرپرسێن بلندێن حکومەتێ و هژمارەکا ئەندامێن لیژنەیا بەرەڤانی یا پەرلەمانێ ئەلمانیا پێک هاتبین.

ئەو شاندە دگەل نێچیرڤان بارزانی سەرۆکێ حکومەتێ و جەعفەر شێخ مستەفا وەزیرێ پێشمەرگەی و هژمارەک وەزیران کابینەیێ جڤیان.

ڕاگەهاندنێ ئاماژە ب وێ چەندێ کریە، مەرەما سەردانا وان بۆ هەرێما کوردستانێ بریتیە ل نێزیک ئاگاداربوونێ ل خواست و پێدڤیێن هەرێما کوردستانێ.

هەروەها ڕاگەهاندنا حکومەتا هەرێمێ دبێژیت، د جڤینێ دا شاندێ ئەلمانیا بەحس ل رەوشا ئاوارە و پەنابەرێن هەرێما کوردستانێ کریە و تەکەز ژ بەردەوامیا هاریکاریان بۆ ئاوارە و پەنابەران کریە.

هەر د وێ جڤینێ دا نێچیرڤان بارزانی، هیڤیا وێ یەکێ خاستیە، پەرلەمانێ ئەلمانیا بریارێ ل درێژکرنا مانا هێزێن راهێنانان و بەردەوامی هاریکاریێن سەربازی بۆ هەرێما کوردستانێ بدەت.

ج.ف