سەرنووچە:

دوو ژنێن پەنابەرێن کورد د دەریا ئیجەدا خەندقین

فۆتۆ: 
2018-09-17

2735 جار خوێندراوەتەوە

ئەڤرۆ ڕۆژا دوو شەمبی بەلەمەکا پەنابەران د دەریا ئیجەدا بنئاڤکەت، ب وێ سەدەمێ ژی دوو ژنێن پەنابەرێن خەلکێ سلێمانیێ خەندقین و پەنابەرەکا دی ژی بێسەرۆشینە.

نوێنەراتیا فیدراسیۆنا پەنابەران ل تورکیا ڕاگەھاند، ئەڤرۆ سپێدێ ١٧ێ ئیلۆنێ د دەما کۆچکرنا کۆمەکا پەنابەران د کەنارێن دەریا ئیجەدا ل سنورێ پارێزگەھا بۆدروم بەر ب کەنارێن یونان – ئیتالیا ڤە، بەلەما وان بنئاڤکەت.

ڕاگەھاندیە ژی، د ئەنجامێ وێ بۆیەرێدا دوو پەنابەرێن ژن کو خەلکێ باژارێ سلێمانیێ نە جانێ خوە ژدەستدانە و پەنابەرەکا دی ژی بێسەرۆشینە.

ھەروەسا ئاماژە ب وێ یەکێ ژی کریە، ژئالیێ ھێزێن دەریاڤانی یێن تورکیا ڤە سێزدە پەنابەرێن دی یێن سەر وێ بەلەمێ ڕازگارکرنە کو پرانیا وان ژن و زارۆکن.

فیدراسیۆنا پەنابەران دەستپێکرنا بزاڤێن خوە ژی ڕاگەھاند، ب مەرەما ھەڤکاری و ھەماھنگیێ ژبۆی ڤەگەراندنا، ڕزگارکریا و وان دوو تەرمان بۆ کوردستانێ.

ئەڤە د دەمەکێدایە، سپێدەھیا ئەڤرۆ د دەما وێ بۆیەرێدا، تیمێن سەر ب فەرماندەیا ئاسایشا کەنارێن تورکیا ڕاگەھاند، ١٦ کۆچبەر د دەریا ئیجەدا ڕزگارکرنە و تەرمێ دوو ژنان ژی دیتنە.

س.م