سەرنووچە:

چالاکڤانەکێ دیارێ ئیرانێ سەردانا مالا ڕامین حسێن پەناهی کر

بۆ بەهیێ و سەرەخۆشیێ
فۆتۆ: 
2018-09-17

1750 جار خوێندراوەتەوە

محەمەد نوری زاد مامۆستایێ زانکۆ و چالاکڤانێ سڤیل و دیارێ ئیرانێ سەردانا ملا ڕامین حسێن پەناهی کر.

د گرتەیەکا ڤیدیۆیدا کو د تورێن جڤاکیدا هاتیە بەلاڤکرن، دەرکەڤیت محەمەد نوری زاد بۆ بەهیێ و سەرەخۆشیێ سەردانا دایک و بابێ ڕامین حسێن پەناهی ل گوندێ قوڕوچایا سەرب باژێرێ  دێهگولان ل ڕۆژهەلاتێ کوردستانێ کر.

دەمێ بینینا دایک و بابێ ڕامین، نوری زاد داخوازا لێبورینێ دکەت کو بزاڤێن وان بێ ئەنجام ماین و کورێ وان ژ ئالیێ حکومەتا ئیرانێ هاتە بدارڤەکرن.

ئاماژە ب وێ چەندێ کر، کوشتن و بدارڤەکرن هونەر نیە و دڤێت ئەم هەمی پێکڤە بۆ ئاشتیێ، ئارامیێ بزاڤابکەین و هەڤالێن ئێک دوو بین.

محەمەد نورێ زاد دەرهێنەر، ڕۆژنامەڤان، ماموستایێ زانکۆ و چالاکڤانێ دیارێ ئیرانێ یە کو پشتی عەردهەژا سالا بووری یا کرماشانێ،  ئێک بو کو هەر زوو ب هەوارا لێقەومایان چووی و هاریکاریێن زور بۆ خەلکێ  وێ پارێزگەهێ کومکرن.

د دەمێ بووری دا بئەگەرێ چالاکی و رەخنەیان ل سیاسەتێن کۆمارا ئیسلامیا ئیرانێ چەند جاران هاتیە دەستە سەرکرن و زیندانیکرن.

ج.ف