سەرنووچە:

کۆچ و کۆچبەران: ٣٧٦ وەلاتیێن ئاوارە ل سوریا ڤەگەریان عێراقێ

فۆتۆ: 
2018-09-17

3987 جار خوێندراوەتەوە

وەزارەتا کۆچ و کۆچبەراێن عێراقێ ڕاگەهاند ٣٧٦ وەلاتیێن ئاوارە ل سوریا ڤەگەریانە ئاخا عێراقێ.

هاریکارێ رێڤەبەرێ گشتی ل وەزارەتا کۆچ و کۆچبەران د بەیانامەکێ دا ڕاگەهاند، وەزارەتا وان ل پارێزگەها نەینەوا پێشوازی ژ ٣٧٦ وەلاتیێن ئاوارەیێن عێراقێ کریە کو ل کەمپا ئەلهول ل پارێزگەها حەسەکە بوون ل باکورێ رۆژهەلاتێ سوریا و کەمپێن جەدعە  ل باشورێ نەینەوا هاتینە بنەجهـ کرینە.

عەلی عەباس جەهاگیر ڕاگەهاند، پشتی هوربینیێن ئەولەهیێ ئەو ئاوارە ل خالا سنوری یا فاو ل ناحیەیا سنونێ ناڤبەرا سوریا وعێراقێ ڤەگەریانە.

ئاماژە ب وێ چەندێ کر، وەزارەتا وان ب هەڤکاریا وەزارەتا ڤەگوهاستنێ تڕۆمبێل بۆ ئاوارەیان دابین کرینە، ژبلی ترۆمبێلێن بارهەلگر و پێشکێشکرنا خواردنا بلەز و ئاڤا ڤەخوارنێ د دەمێ ڤەگوهاستنێ دا.

د چەند سالێن دەرباز بووی دا بئەگەرێ هەڤرکیێن ناڤخۆیێ عێراقێ و شەرێ دژی داعشێ هژمارەکا زور ل وەلاتیێن عێراقێ ئاوارەیێ ناڤخۆ و دەرڤەی ولاتی بوون و مال و حالێن خوە بجهێلا.

ج.ف