سەرنووچە:

ئارێز عەبدولا: بەرهەم سالح گوتوبێژان لسەر هاتنە ناڤ یەکێتیێ دگەل مە دکەت نە بەحسا ڕێکەفتنا سیاسیە

هەیا ب ئاشکراى نەڕاگەهینیت بەربژێر ناکەن
فۆتۆ: 
2018-09-17

2177 جار خوێندراوەتەوە

ئارێز عەبدولا ئەندامێ سەرکردایەتیا یەکێتیێ ڕاگەهاند، ڤەکێشانا هەڤپەیمانیێ د هەلبژارتناندا  و هەلویستێ نەرمێن دەستپێشخەریا بەرهەم سالح بوون بۆ یەکێتیێ، دبێژیت، هەیا بەرهەم سالح ب ڕوونى نەڕاگەهینیت کو هاتیە ناڤ یەکێتیێ بەربژێر ناکەن بۆ پوستێ سەرۆک کوماریا عێراقێ.

ئارێز عەبدوڵا ئەندامێ سەرکردایەتیا یەکیتیێ و بەبژێران ب دەنگێ ئەمریکا ڕاگەهاندیە "سەرکردایەتیا یەکێتیێپێشوازیێ ل هەمى وان دەستپێشخەران دکەت کو بەرهەم سالح ل پشتى هەلبژارتنان ب مەرەما دەستپێکرنا گوتوبێژان بۆ ڤەگەریانا وى بۆ ناڤ یەکێتیێ پێنگاڤ ژبووى هاڤێت، ژ وان چى هەلویستێن نەرم، داخویانى، بەشداریکرن د جڤیناندا و گرتنا کەنالێ خەندان و خوە ڤەکێشان ژ پرۆسا هەلبژارتنان".

ئارێز عەبدڵا ڕەتکر ژى بەشدارى نەکرنا قەوارەیێ بەرهەم سالح کو پەیوەندى ب سەختەکاریان هەبیت و گوت" ئەو بتەنێ دەستپێشخەری و پێنگاڤەک بوو ژبۆ دەستپێکرنا گوتوبێژان دگەل یەکێتیێ، ئەگەر وەسا بیت بوچى گوتوبێژان دگەل حزبەکا سەختەکار دکەت؟

 ئارێز عەبدڵا ڕەتکر کو ڕێکەفتنا سیاسى دناڤبەرا یەکێتى و هەڤپەیمانیێ هەبیت و ڕاگەهاند " ژئالیی مەڤە وەکى یەکێتى، هەڤپەیمانى واتە دکتور بەرهەم ئەو ژى ب گوتوبێژ هاتیە ناڤ یەکیتیێ و چ بەحسا ڕیکەتنا سیاسى نینە،ئەگەر هاتە ناڤ یەکێتیێ و ب فەرمى ڕاگەهاند، کو بوویە یەکگێتى دبیت ببیتە ئێک ژ پێنج بەربژێران کو دناڤ سەرکردایەتیا یەکێتیێدا کو گوتوبێژ لسەر کرینە.

ئارێز عەبدولا ئەندامێ سەرکردایەتیا یەکیتیا نیشتمانیا کوردستانێ دەربارەى ڕێکەفتنا پارتىو یەکێتى لسەر پوستێ سەرۆک کوماریا عێراقێ ڕاگەهاند،"هەیا نها پارتى یا ڕژدە لسەر وەرگرتنا پوستێ سەرۆک کوماریا عێراقێ، د جڤینا شەڤا بووریدا نەگەهشتینە چ ڕێکەفتنەکێ، لێ دڤیت ب زووى ترین دەم بهێتە ئێکلاکرن و بەربژێرەکی دناڤبەرا پارتى و یەکێتیێ دیار بکەن ئەگەر پارتى ویەکێتى نەگەهشتنە چ ڕیکەفتنان وى دەمى دی هەردوو ئالى سەربخۆ و جودا بەربژێرین خوە دانان، مە وەک یەکێتیێ دێ بەربژێری خو هەبیتو لسەر مە ناڕاوەستیت".

وى ئەندامێ سەرکردایەتیا یەکێتیێ ئەو یەک ژى ب دەنگێ ئەمریکا گوتیە،" د نهادا دوو بۆچۆن هەنە دناڤ سەرکردایەتیا یەکێتیێ دا، بۆچۆنەک ب باش دبینیت یەکێتى دکتور بەرهەم بەربژێر بکەت و پاشان د کونگرەى دا ڤەگەریتە دناڤ یەکیتیێ دا و ل وێرێ یەکێتى بوونا خوە ڕابگەهینیت، بۆچۆنەکا دن ژى هەیە ل دەستپێکێ بهێتە دناڤ یەکێتیێ دا پاشان بهێتە بەربژێرکرن، ژبەرکو یا بزەحمەتە دکتور بەر هەم سالح ل دەرڤەى یەکێتیێ بیت و بهێتە بەربژێرکرن، ژبەرکو هەر ئەنداێن یەکێتیێ ژى حەز دکەن ئەندامەک بیت نەک کەسەکێ دەرڤەى یەکێتیێ بەربژێر بیت.

م.ن