سەرنووچە:

کوژمێ پشکا هەرێمێ د بودجەیێ عێراقێ دا هاتە ئاشکەراکرن

فۆتۆ: 
2021-05-14

887 جار خوێندراوەتەوە

جەمال کوچەر ئەندامێ لژنەیا دارایی ل پەرلەمانێ عێراقێ ڕاگەهاند، بەغدا بۆ سێ مەهێن ئەڤسالە نێزیکێ ٦٥٠ ملیار دیناران دێ بۆ هەرێمێ هنێریت.

جەمال کوچەر بۆ ئێن ئاڕ تی ڕاگەهاند، بهایێ پەتڕۆلا هەرێمێ لدیڤ کومپانیا سۆمۆ هاتیە دیارکرن، بۆ هەر مەهەکێ نێزیکی ٢٢٠ ملیار دیناران دێ پشکا هەرێمێ بن و هەرێم و بەغدا لسەر داهاتێ پەتڕۆلا هەرێمێ لهەڤهاتن کو ماهانە ٧٠ ملیار دیناران بۆ مەهێن ئێک و دوو و سێ یێن دەستپێکا ئەڤسالە کو بەغدا دێ ژ پشکا هەرێمێ بڕیت.

گوتژی، بڕیارە پشتی جەژنێ بەغدا پشکا هەرێمێ بۆ سێ مەهێن دەستپێکا ئەڤسالە ب هنێریت.

ئەڤەژی د دەمەکی دایە، پشتی دەربازبوونا نێزیکێ مەهەک و نیڤا بسەر پەسەندکرنا یاسایا بودجەیێ عێراقێ، هەیا نها هەرێمێ شاندێ تەکنیکی نە هنارتیە بەغدا بۆ لهەڤهاتنا داویێ و هنارتنا پارەیان ژ بەغدا.