سەرنووچە:

بالەفڕێن هەلیکۆپتەر یێن تورکیا بۆمبەبارانا دەڤەرا بەرواری بالا کر

فۆتۆ: 
2021-05-14

367 جار خوێندراوەتەوە

نووچەگەهانێ ئێن ئاڕ تی ل ئامێدیێ ڕاگەهاند، بالەفڕێن هەلیکۆپتەر یێن تورکیا بۆمبەبارانا دەڤەرا بەرواری بالا کر، و ئاگر ب بەشەکێ رەز و باغێن وەلاتیان کەت.

نیهاد ئورەماری نووچەگەهانێ ئێن ئاڕ تی ڕاگەهاند ژی، ئەڤرۆ ل دەمژمێر ٩:٣٠ خولەک بالەفڕێن هەلیکۆپتەر یێن ئارتێشا تورکیا دەردورێ هەردوو گوندێن هرورێ و کێستە بۆمبەبارانکرن.  

بەحسا وێیەکێ ژیکر، بالەفڕێن هەلیکۆپتەر یێن ئارتێشا تورکیا نێزیکی ١٠ خولەکا بۆمبەبارانا دەردورێ هەردوو گوندێن هرورێ و کێستە کرن و ئاگر ب دارستان و بەشەکێ رەز و باغێن وەلاتیان کەت

ئەڤە د دەمەکی دایە، ئارتێشا تورکیا ئۆپراسیۆنەکا لەشکەرێ ل زنارا کێستە و هند جهێن دی دەسپێکریە و رۆژ بۆ روژێ د پێشڤەچوونێ دایە.