سەرنووچە:

ئەمریکا ل بەرکرنا دەمامکێ ل جهێن گشتی نەهێلا

فۆتۆ: 
2021-05-14

395 جار خوێندراوەتەوە

پشتی پارڤەکرنا زێدەتر ژ ٢٦٠ ملیۆن قورچێن ڤاکسینا کۆرۆنایێ بسەر وەلاتیان دا، دەستهەلاتدارێن ئەمریکا سەپاندنا ل بەرکرنا دەمامکێ نەهێلا، سەرۆکێ وەلاتی ژی ڕاگەهاندنا نەهێلانا دەمامکێ ب نەچاریی ل جهێن گشتی ب رۆژەکا مەزن ناڤبر.

بەرپرسێن ساخلەمیا ئەمریکا ڕاگەهاند، ئەو کەسێن قورچا ڤاکسینێ کۆرۆنایێ بکارئینایی دشێن ل جهێن گشتی دەمامکێ ل بەرنەکەن، و ئەو کەسێن هێشتا قورچا ڤاکسینی نە وەرگرتی رەتدکەن دەمامکێ گرێدەن و ناهێنە سزادان.

جۆبایدن، سەرۆکێ ئەمریکا د لێدوانەکا رۆژنامەڤانی دا دەربارەی رێکارێن خۆپاراستنێ ژ ڤایرۆسێ کۆرۆنایێ ڕاگەهاند، ئەگەر وەلاتیەکێ قورچا ڤاکینی نە وەرگرتبیت، بلا دەمامکێ بۆ پاراستنا خۆ و کەسێن دی ل بەربکەت، گوتژی، ئەڤە نە ب زۆریە بەلکو بۆ سلامەتیێ یە.

هەیا نها ل ئەمریکا زێدەتر ژ ٢٦٧ ملیۆن کەسان ڤاکینا کۆرۆنایێ وەرگرتیە، کو ١١٩ ملیۆنان ب تەمامی ڤاکسین وەرگرتیە، بەریا نها ژی ل چەند وەلاتێن دی ژ وان ژی بەریتانیا ب سەدەما زۆریا هژمارا وان کەسێن ڤکسینێ کۆرۆنایێ وەرگرتی ژیان ئاسایی کر.