سەرنووچە:

چار گەنجێن تورک هێرشی مالباتەکا کوردان کر

ڤکولینێ دەستپێکریە
فۆتۆ: 
2021-05-14

982 جار خوێندراوەتەوە

ل باژێرێ مێرسینێ ل وەلاتێ تورکیا مالباتەکا کورد یا خەلکێ هەولێرێ بۆ گەشتێ سەرەدانا وی وەلاتی کربوو، لێ د دەمێ گەشتا خۆدا ژ ئالیێ وەلایتیێن تورکیا ڤە راستی هێرشەکێ بوون.

پشتی چەند وەلاتیێن تورک هێرش کریە سەر وێ مالباتا کورد، د ئەنجامدا دوو ئەندامێن وێ خێزانێ برینداربوون و ئێک ژ وانا ب گرانی برینداربوو و رەوانەی نەخۆشخانێ هاتە کرن.

ئێک ژ شاهد حالان کو هاریکاریا وێ مالباتا کوردان کریە وەسا بەحسێ بویەرێ بۆ ئێن ئاڕ تی دکەت، "ل دەمێ ئەم ژ ئەدەنە برەف ئەنتالیاڤە دچووین، ل دەڤەرا بوزازیێ یا سەر ب مێرسینێ و ل دەمژمێر ٤ ئێڤاری مە ل پێشیا تڕومبێلا خۆ دیت کو چار کەسان هێرشی مالباتەکا  کوردان کریە، و ب بەری لسەرێ کورێ وێ مالباتێ یێ ١٢-١٣ سالی ددا، ل دەمێ من دیتی کو هێرشی وێ مالباتێ کریە ژ ئالیێ چار گەنجێن تورک ڤە، من زانی ئەڤە هێرشەکا نەژادپەرستە".

دەربارەی وێ بوویەرێ نها ژ ئالیێ جەندرمێن تورکیا ڤە ڤەکولینێ دەستپێکریە.

ئەڤە ددەمەکیدایە، ل سالا دەربازبووی هەر ل وەلاتێ تورکیا لسە راکرنا ئالایێ کوردستانێ ل باژێرەکێ وی وەلاتی هێرشی گروپەکێ گەشتیاری هاتبوو کرن کو ژ چەند خێزانان پێکهاتبوون.