سەرنووچە:

​رێكخراوا مافێن مروڤى ل هه‌رێما كوردستانێ داخازا ئازادکرنا سزادایێن بەهدینان دکەت

فۆتۆ: 
2021-05-13

310 جار خوێندراوەتەوە

رێكخراوا مافێن مروڤى ل هه‌رێما كوردستانێ بەیاننامەک دەرخست، و تێدا داخاز ژ سەرۆکێ حکومەتێ و سەررۆکێ هەرێمێ دکەت گرتیێن بەهدینان بهێنە ئازادکرن.

ئەڤە دەقێ بەیاننامێ:

       ل هه‌مى وه‌لاتان ماف هه‌نه‌ و ژوان مافان مافێ خوپیشاندانێن ئاشتییانه‌ و ده‌ربرینا بیروراو وبوچوونان وئه‌ڤ مافه‌ دبنه‌ بنه‌مایێن سه‌ره‌كى و كرنگ یێن مافێن مروڤى و دیمقراسى  و لدیڤ بندێن ( 2 - 5 - 19 ) ژ راگه‌هاندنا جیهانى یا مافێن مروڤى ل سالا 1948 و بندێ ( 19 ) ژ هه‌ردوو په‌یمانێن نیڤ ده‌وله‌تى یێن سیاسى و مه‌ده‌نى ل سالا 1966 وبندێ ( 38 ) ژ دستورێ 2005 عیراقا فيدرال ویاسایا رێكخستنا خوپیشاندانا ل هه‌رێما كوردستانێ ژماره‌ 11 سالا 2010 .

     هاوه‌لاتیێن هه‌رێما كوردستانێ و ماموستا و فەرمانبەر و روژنامه‌ڤان و چالاكڤان شەنگستێ پێشخستنا وەلاتێ كوردستانێ نە و ژ هەژی ژیانەکا خوشن و هەمی شیانێن وان بو ئاڤاکرن و پاراستنا کوردستانێ بن ، و دابین کرنا خوشگوزەرانیێ و خوشکرنا ژیانا خەلکی و پەیداکرنا مووچەیێ فەرمانبەران وبه‌رده‌وامبون ب چاكسازیێن گشتگیر وسه‌رتاسه‌رى دڤێتن ئارمانجا سەرەکی یاحکومەتا هەرێما کوردستانێ بیتن .

     ل ۱٦ گولانێ دا‌ 2020 هێزێن ئێمناهیێ ب ده‌هان خوه‌پێشانده‌ر  وكه‌له‌گ  ژ وان د ناڤ مالێن وان‌ دا‌  ده‌ستگیرکرن  لێ جهێ داخى یه ئه‌ڤ رویدانه‌ ونه‌رازیبونێن هاوه‌لاتیێن دهوكێ ژ ئه‌گه‌رێ نه سه‌ره‌ده‌ریكرنا نه‌ته‌ندروست نه‌ مروڤایه‌تى ونه‌شاره‌زایێ ژلایێ‌ كارگێرى وهنده‌ك ده‌زگه‌هێن ئێمناهییێ ڤه‌ بون‌ ، ئه‌ڤ سه‌ره‌ده‌ریكرنا نه‌ته‌ندروست نه‌ مروڤایه‌تى دگه‌ل ژیانا هاوه‌لاتییان یا بویه‌ دیارده‌كا به‌رجاڤ ‌ودڤێتن رێ ل وان كه‌س و به‌رپرس و لایه‌نا بگرن ژبو پاراستنا به‌رژه‌وندیێن ته‌سك و تایبه‌تێن خو ڤان كارا ئه‌نجام ده‌ن ورێ ل دیمقراسى كرنا هه‌رێمێ دكرن .

    لدیف ده‌ستورێ عیراقا فیدرال وبنه‌مایێن یاسایێن ناڤخویى و ده‌ولى دڤێتن ژیانا هاوه‌لاتی بهیته‌ پاراستن نه‌ك بهێته‌ تێكدان و هه‌رشه‌كرن به‌لێ جهێ داخێ یه‌  ریدانێن ڤێ داویێ  ل هه‌رێما كوردستانێ به‌روڤاژى دهێته‌ بكار ئینان .

     ده‌ستهلاتدارێن ده‌زگه‌هێن ئێمناهییێ نوکه‌ بزماره‌کا دی د تابووتا نموونه‌یا ئازادیا ڕاده‌ربرین ل كوردستانێ داقوتا و ب ده‌هان که‌س ده‌ستگیرکرن ژ بۆ کو رێکێ ل بەرامبەر نه‌رازیبوونه‌کا‌ ماموستا و فه‌رمانبه‌را بگرن  وهاوه‌لاتیێن هه‌رێمێ بترسینن .

      هه‌رده‌م هه‌رێما كوردستانێ شانازی ب وێ چەندێ دکر کو ئەو رێز ل مافێن مرۆڤان دگرن و ئه‌ڤ  ریدانێن  داوی  تایبه‌ت بشتى گرتنا بتر ژ ده‌هان هاوه‌لاتیێن پارێزگه‌ها دهوكێ و كوردستانێ به‌روڤاژى دهێته‌ دیاركرن ،  وهه‌ر ژ روژا ئێكێ رێكخراوا مه‌ دیڤچونا ڤان كه‌یسان كریه‌ وسه‌روكێ رێكخراوێ ئاماده‌ى دادگه‌هكرنێ بویه‌ ، وبدادگه‌هكرنه‌كا گومانلێكرا وله‌نگ ( پێنچ ) ژ ده‌سته‌سه‌رگریێن بادینان ل 15/2/2021 و بو ماوێ ( شه‌ش سالان ) هاتنه‌ زیندانكرن ژ لایێ دادگه‌ها تاوانا دوويا هه‌ولێر وبشتى بریارا دادگه‌ها ته‌مییزێ ئه‌و بریار هاتيه‌ په‌سه‌ندكرن وهنده‌ك لایه‌نێن نیڤده‌وله‌تى پێ هاتینه‌ تومه‌تباركرن ، وئه‌ڤ برياره‌ و كریاره‌ دیار دکه‌ت کو هه‌رێما کوردستانێ نه‌ جهێت کۆمبوونێن ئاشتیانه‌ و ئازادیا راده‌ربڕینێ یه‌ و یاسا و دیمقراسى یا لێ له‌نگه ودڤێتن دادگه‌هه‌كا دادپه‌روه‌رانه‌ ولدیڤ یاسایێن ده‌ولى ونافخویێ بهێته‌ ئه‌نجامدان ودڤێتن دادگه‌هه‌كا دادپه‌روه‌رانه‌ ولدیڤ یاسایێن ده‌ولى ونافخویێ بهێته‌ ئه‌نجامدان  بێى هیچ گڤاشتن و ده‌ستێوه‌ردان ژهه‌رلایه‌‌كى بیتن ولدیف به‌ندێن (10) ژ راگه‌هاندنا مافێن مروڤى 1948 و  به‌ندێن (14 بركا 1) ژ په‌یمانا تایبه‌ت یا مافێن مه‌ده‌نى وسیاسى 1966 و په‌یمانا به‌رهه‌نگاربونا ئه‌شكه‌نجه‌دانێ 1984 و به‌ندێن ( 19-37-38-39-47-87-88 ) ژ ده‌ستورێ عیراقا فدرال و به‌ندێن  (333) ژ یاسایا سزادانا عیراقى و به‌ندێن ( 123-218 ) ژ یاسا بنه‌ماكان دادگه‌ها سزادانێ .

 وئه‌ڤ كارێن هه‌نێ بونه‌ ئه‌گه‌رێ نه‌رزایبونه‌كا دیار وبه‌رچاڤا كومه‌لا نیڤده‌وله‌تى وناڤخویێ وه‌ك ( چه‌ندین ده‌وله‌ت و نه‌ته‌وه‌یێن ئێكگرتى و ئێكه‌تییا ئه‌ورپى وه‌زاره‌تێن ده‌رڤه‌ وكونسلخانێن چه‌ندین ده‌وله‌تان وپارتێن كوردستانێ وئه‌ندامێن په‌رله‌مانێ كوردستانێ وپترییا ته‌خ و چینێن هاوه‌لاتیێن كوردستانێ ) داخاز دكه‌ن رێز ل مافێن مروڤى بیرورایان بهێته‌ گرتن وزیندانى وده‌سته‌سه‌رگریێن بادینان بهێته‌ ئازادكرن

 وئه‌ڤ چه‌نده‌ دبنه‌ ئه‌گه‌رێن ژ ده‌ستدانا بیروباوه‌رێن هاوه‌لاتیێن كوردستانێ بگشتى و پارێزگه‌ها دهوكێ بتایبه‌تى ب بنه‌مایێن  یاسایى و دیمقراسى ومافێن مروڤى ، له‌ورا داخازێ ژ ده‌ستهه‌لاتا هه‌رێما كوردستانێ دكه‌ین  دیڤجونا ڤان بابه‌تا  ب جدى  بكه‌ن ژبو زڤراندنا باوه‌رییا میژویى یا و وه‌فادارییا هاوه‌لاتیێن پاریزگه‌ها دهوكێ و كوردستانێ دگه‌ل سه‌ركردایه‌تى و ده‌ستهه‌لات و كارگیرى یا كوردستانێ ، ودانوستاندن دگه‌ل هاوه‌لاتییان  بهێته‌ كرن دا بتر لێك نزیك بن .

    له‌ورا بناڤێ رێكخراوا مافێن مروڤى ل هه‌رێما كوردستانێ داخازێ ژ جه‌نابێ سه‌روكێ هه‌رێما كوردستانێ به‌رێز نێجیرڤان بارزانى و سه‌روكێ ئه‌نجومه‌نێ وه‌زیران به‌رێز مسرور بارزانى دكه‌ین هه‌مى زیندانى وده‌سته‌سه‌رگریێن بادینان بهێنه‌ ئازادكرن ب بریاره‌كا راست دروست بو ڤان جوره‌ كه‌یسێن گشتى و جه‌ماوه‌رى بده‌ن .

دگه‌ل رێزگرتن

رێكخراوا مافێن مروڤى ل هه‌رێما كوردستانێ

 12/5/2021

لا يتوفر وصف.