سەرنووچە:

کەسوکارێن گوهدار زێباری: بەریا جەژنێ مە سەرەدانا وی کریە لی رێک نەهاتیە دان کو ببینیت

ئەم نە شیاینە ب تەلەفۆنێ دگەل باخڤین
فۆتۆ: 
2021-05-13

746 جار خوێندراوەتەوە

بابێ گوهدار زێباری بۆ ئێن ئاڕ تی ڕاگەهاند، "پشتی گرتنا گوهداری مە چ جەژن نینە و ئەڤە بو دەمێ حەفت مەهایە مە گوهدار نەدیتیە و هەیا نها ئەم چ ژێ دزانین و ئەم نە شیاینە ب تەلەفۆنێ دگەل باخڤین"، دبێژیت، "هەیا نها چ بەلگەیەک لسەر وان ئاشکەرا نەبوویە کو سەرا هاتینە گرتن و گرتنا وان تشتەکێ بێ مانایە و چ ژ بۆ نینە".

بابێ گوهدار زێباری ڕاگەهاند ژی، داخازا مە ژ سەرۆکێ حکومەتێ و رێکخراوان ئەوە وان دەستەسەرکریان ئازاد بکەن و دیسان بهێنە ناڤ مالێن خۆدا.

بەحسا وێێەکێ ژیکر، هەیا نها چ بەلگەیەک لسەر وان ئاشکەرا نەبوویە کو سەرا هاتینە گرتن و گرتنا وان تشتەکێ بێ مانایە و چ ژ بۆ نینە.

دەیکا گوهداری ڕاگەهاند، داخازێ ژ سەرۆکێ هەرێمێ و سەرۆکێ حکومەتێ دکەم هەمی دەستەسەرکریان ئازاد بکەن، دبێژیت، ئەڤە بۆ دەما چار بۆ پێنج مەهایە من دگەل گوهداری نە ئاخفتیە، هەیا ئەڤرۆ د جەژنێ دا ژی تەلەفونا مە نەکریە.

برایێ گوهدار زێباری دیارکر، بەریا جەژنێ سەرەدانا وی کریە لی رێک پێنەهاتیە دان کو ببینیت و ئەو جلو بەرگێن بوو برین رێک نەدا بگەهینیتە وی و گوتیێ دناڤ زیندانێ دا جلو بەرگ هەنە پێتڤی پی نینە.

دبێژیت ژی، "داخازێ ژ سەرۆکێ هەرێمێ و سەرۆکێ حکومەتێ و ئالیێن پەیوەندیدار دکەم یاسا سەروەربیت".

ئەڤەژی د دەمەکی دایە، نێزیکی حەفت مەهانە چەند رۆژنامەنوس و چالاکڤانەکێ مەدەنی ل بەهدینان هاتینە دەستەسەرکرن، ل ١٦ی مەها سباتا ئەڤسالەدا ژی ل دادگەها تاوانێن هەولێرێ دادگەهکرنا پێنج ژ وان برێڤەچوو و تێدا دادگەهێ بڕیارا سزایێ شەش سالێن زیندانکرنێ بۆ هەر ئێک ژ وان دەرخست.