سەرنووچە:

سێ ژنان دزی ژ ژنێن دهۆکێ کرینە بزانە ئەڤ ژنە ژ کیڤە هاتینە و چ دزیە

فۆتۆ: 
2021-05-11

1456 جار خوێندراوەتەوە

ل پارێزگەها دهۆکێ باندەکێ دزیکەرێن ژن هاتیە دەستەسەرکرن کو ژ سێ ژنان پێکهاتبوون و ل دهۆکێ و زاخۆ کریارێن دزیێ ئەنجامددان و هاتینە رەوانەکرن بۆ دادگەهێ.

هێمن سلێمان پەیڤدارێ پۆلیسێن پارێزگەها دهۆکێ ڕاگەهاند، باندەکێ دزیکەرێن ژن ژ ئالیێ پۆلیسێن دهۆکێڤە هاتنە دەستەسەرکرن، کو وان ژنان ل پارێزگەها دهۆکێ و زاخۆ قەرەبالغیا بازاری ب دەرفەت دیتیە و دزی ژ وەلاتیان کرینە بتایبەت ژی ژنان.

پۆلیسێن دهۆکێ ڕاگەهاند ژی، ئەو باندێ ژنا یێ هاتیە دەستەسەر کرن ژ سێ ژنان پێکهاتبوو.

ئاماژە ب وێیەکێ ژیکریە، کو ئەو ژنە ژ پارێزگەهێن دیێن هەرێمێ هاتینە بۆ دزیکرنێ، وان ژنان دگەل شوفێرەکێ تەکسیێ هاتنوچون دکر.

بەحسا وێیەکێ ژیکر، کو هەر کەسێ ل سەنتەرێ پارێزگەها دهۆکی و زاخۆ دزی ژێ هاتبنە کرن د شێت سکالایێ لسەر ڤی باندی تومارکەت.

گوتژی، ئەو هەرسێ ژنە هاتینە رەوانەکرن بۆ دادگەهێ و د نهادا هاتیە راگرتن لگورەی یاسایا ژمارە ٤٤٦ ژ یاسایێن سزای و ڤەکۆلین د بەردەوامن.