سەرنووچە:

کۆمسیۆنا هەلبژارتنان ب ڤان مەرجان دێ کارمەندان وەرگریت

باوەڕنامە و کارتا دەنگدانێ هەبیت
فۆتۆ: 
2021-05-11

758 جار خوێندراوەتەوە

پەیڤدارێ کۆمسیۆنا هەلبژارتنێن عێراقێ ڕاگەهاند، پێتڤیە ئەو کەسێ دبیتە کارمەندێ سەر سندوقان باوەڕنامە و کارتا دەنگدانێ هەبیت و ئاکنجیێ وێ پارێزگەهێ بیت و ژ دایک بوویێ سالا ٢٠٠٢ێ و زێدەتر بیت و تۆمارا تاوانان نەبیت.

جومانە غەلای، پەیڤدارێ کۆمسیۆنا هەلبژارتنێن عێراقێ بۆ میدیایێن ناڤخۆ ڕاگەهاند، کۆمسیۆن دێ دوو رێکان بۆ دیارکرنا کارمەندێن سەر سندوقان پەیڕەوکەت.

ڕاگەهاند ژی، ئەو کەسە خۆدانێ باوەرناما ئامادەیی بیت و کارتا دەنگدانێ هەبیت و ئاکنجیێ وێ پارێزگەهێ بیت ئەوا دڤێت لێ کار بکەت.

بەحسا وێیەکێ کر، پێتڤیە ژیێ وی کەسی د سەر ١٨ سالیێدا بیت و بەلێنامەیەکێ تژی بکەت کۆ تۆمارا تاوانان نینە.

دبێژیت ژی، دەمێ پێشکێشکرنێ ب رێکا دەزگەهێن ڕاگەهاندنێ دێ هێتە بەلاڤکرن و ب شێوێ ئەلیکترۆنی دێ تژیکەن و فەرمانبەر ژی دشێن پێشکێش بکەن.

ئەڤە د دەمەکی دایە، بڕیارە هەلبژارتنێن بەروەخت یێن جڤاتا نوینەرێن عێراقێ ل ١٠ی جۆتمەها ئەڤسالەدا بڕێڤە بچن.