سەرنووچە:

جڤاتا ئاسایشا نیڤدەولەتی رازیبوونا خۆ لسەر چاڤدێریا ئاگربەستا ل لیبیا نیشاندا ​

فۆتۆ: 
2021-04-16

257 جار خوێندراوەتەوە

جڤاتا ئاسایشا نیڤدەولەتی، رازیبوونا خۆ لسەر هنارتنا میکانیزمەکێ بۆ چاڤدێریکرنا ئاگربەستا ل لیبیا نیشاندا.

پشتی وێیەکێ ئەنتۆنیۆ گۆتەرێس سکرتێرێ گشتی یێ نەتەوەیێن هەڤگرتی رازەمەندیا خۆ لسەر پێشنیارا بەرپاکرنا ئاگربەستەکا جێگیر ل لیبیا و پێکئینانا میکانیزمەکێ بۆ چاڤدێریکرنا ئاگربەستێ نیشادا، ل جڤاتا ئاسایشا نیڤدەولەتی ب پتریا دەنگا بڕیارا پێدانا دەسهەلاتا میکانیزما چاڤدێریکرنا وێ ئاگربەستێ پەسەندکر.

لدیڤ وێ پیلانا کو گوتەرێس، پێشکێشی جڤاتا ئاسایشا نیڤدەولەتی کریە، پشتی دابینکرنا چەند پیڤەرێن دیارکری یێن ئەمنی و لۆجیستی، ٦٠ چاڤدێر ل باژێرێ سیرت بۆ چاڤدێریکرنا ئاگربەستێ دێ هێنە جێگیرکرن.

چاڤدێر دێ د بێی چەک و بێی جلوبەرگێن سەربازیبن، دگەل لژنەیا سەربازی یا ٥+٥ دێ کارکەن.

جڤاتا ئاسایشا نیڤدەولەتی ژبلی کو د بڕیارێدا داخاز ژ تەڤایا ئالیان کر کو پابەندی ئاگربەستا ٢٣ی کانوونا دوویێ یا ٢٠٢٠ێ بن و داخاز کر کو تەڤایا هێزێن بیانی و شەرکەرێن ب کرێگرتی وی وەلاتی بجهـ بهێلن.