سەرنووچە:

د بوویەرەکا هاتنوچونێ دا کەسەکی ژیانا خۆ ژدەستدا و سێ کەس برینداربوون

فۆتۆ: 
2021-04-16

320 جار خوێندراوەتەوە

هاتنوچونا سۆران ڕاگەهاند، د روویدانەکا هاتنوچونێدا لسەر رێکا خەلیفان، کەسەکی ژیانا خۆ ژدەستدا و هەڤژین و دوو زاروکێن وی برینداربوون.

هاتنوچونا سۆران بەلاڤکریە، روویدان ژ جورێ وەرگەڕیان بوو و تێدا کەسەکی ژیانا خۆ ژدەستدا و سێ کەسێن دیژی برینداربوون، دبێژیت، روویدان لسەر رێکا خەلیفان بوویە ل نێزیک گوندێ جۆنەرە.

ئاماژە ب وێیەکێ کر، ترۆمبێل ژ جورێ کرۆلا بوو و داخازێ ژ شۆفێران دکەت، پابەندی یاسایێ و رێنمایێن هاتنوچونێ بن.

دەربارەی وێیەکێ، عەبدۆ رۆستایی نووچەگەهانێ ئێن ئاڕ تی ل سۆران ڕاگەهاند، ئەو کەسێ د روویدانێدا ژیانا خۆ ژدەستدای ناڤێ وی محەمەد ئەمین مەلا پێندرۆیی بوویە و د ژیێ ٥٥ سالیێدا بوو.

گوتژی، کو هەڤژین و دوو زاروکێن وی د روویدانیدا برینداربوون و برینا کوڕێ وی یا دژوارە.

روویدانێن هاتنوچونێ ب سەدەما سەرەکیا ژیان ژدەستدانێ ل هەرێما کوردستانێ دهێتە دانان، کو بەشەک ژ وەلاتیان سەدەمی بۆ خرابیا رێک و بانان ڤەدگەرینن و هاتنوچون ژی سەدەمی بۆ پابەند نەبوونا شوفێران ب رێنمایێن هاتنوچونی و لەزاتیێ ڤەدگەرینن.

May be an image of car and outdoors
May be an image of car and road