سەرنووچە:

سەرۆکا پەرلەمانی: ئەگەر باوەری ب دادگەهێ هەبا گومان نە دئێخستە سەر دەستەسەرکریێن بەهدینان

فۆتۆ: 
2021-04-16

372 جار خوێندراوەتەوە

سەرۆکا پەرلەمانێ کوردستانێ ڕاگەهاند ئەگەر ل هەرێما کوردستانێ باوەریا تەمام ب دادگەهێ هەبایە، لوی دەمی کەس نە دشیا گومانێ بئێخیتە سەر دەستەسەرکریێن بەهدینان.

رێواز فایق سەرۆکا پەرلەمانێ کوردستانێ د چاڤپێکەفتنەکێدا دگەل دەنگێ ئەمریکا بەحس ل وێیەکێ کر، بۆ کەیسا بەهدینان و ئەوا شیایی و ئەوا د سنورێ پەیوەندیێن خۆ بۆ وەک سەرۆکا پەرلەمانی بکارئینایە، دبێژیت ژی، "لێ بەشەکێ کێمە پێدڤیبوو گەلەک زی و ژوێ زێدەتر هاتبا کرن".

ئاماژە ب وێیەکێ ژیکریە، ب هەڤبەرکرن ب سالێن بەرێ ئازادیا رادەربرینێ ل هەرێما کوردستانێ  د پاشڤەچونێدایە.

لسەر رێگریگرتن ل سەرۆکێ فراکسیۆنا نەوەی نوێ بۆ ناڤ پەرلەمانی رێواز فایق دبێژیت، یان دڤێت کازم فاروق داخازا لێبورینی بکەت یان پەرلەمان وێ بڕیارێ ب هەلوەشینیت، وی دەمی کازم فاروق دشێت پشکداری روینشتنان بکەت.

ئەڤەژی ددەمەکیدایە، د ناڤەراستا مەها شوباتێدا، ل دادگەها هەولێرێ دادگەها پێنج رۆژنەمەڤان و چالاکڤانێن بەهدینان بڕێڤەچوو، کو تێدا لدیڤ هەردوو ماددەیێن ئێکێ یێن هەژمارە ٢١ێ یا سالا ٢٠٠٣یێ کو تایبەتە ب بزاڤ بۆ تێکدانا ئاسایشا نەتەوەیی سزایێ شەش سالێن زیندانکرنێ ب سەردا هاتە سەپاندن.