سەرنووچە:

پەرلەمانێ کوردستانێ بەرنامێ کارێ سوبەهی ئەشکەراکر

روینشتنا بهارێ
فۆتۆ: 
2021-02-28

355 جار خوێندراوەتەوە

سکرتێرا پەرلەمانێ کوردستانی ڕاگەهاند، بڕیارە پەرلەمان سوبەهی ب جڤیت و وەرزەکێ نویێ یاسادانانێ دەستپێبکەت و بەرنامێ کارێ سوبەهی ژ پێنج خالان پێکهاتیە، یەک ژوانا کاندیدەکێ نویێ پارتی ل جهێ ئومێد خوشناوی دێ سویندا یاسایی خوت.

مونا قەهوەچی سکرتێرا پەرلەمانێ کوردستانی بۆ مالپەرێ فەرمیێ پارتی ڕاگەهاندیە، "سوبەهی دووشەمبێ، ١ی ئازارا ٢٠٢١ێ، جڤینا ڤەکرنا وەرزێ بهارا سالا سیێ یا خولا پێنجێیا پەرلەمانێ کوردستانێ کو ژ پێنج بڕگەیان پێکهاتیە، هەر د جڤینا سوبەهیدا هەلکەوت ئەنوەر خەلیفە، ل جهێ ئومێد خوشناو، لگورەی ماددێ ٢٧ ژ پەیرەوێ ناڤخۆیێ پەرلەمانێ کوردستانێ دێ سویندا یاسایێ خوت و دێ بیتە پەرلەمانتار ل فراکسیۆنا پارتی".

هەروەسا، دوهی رێواز فایەق سەرۆکا پەرلەمانێ کوردستانێ داخازنامە بۆ هەمی پەرلەمانتاران هنارت داکو ل رۆژا دووشەمبیا بهێت، روینشتنا هەژمارە یەکا خولا بهارێ ئامادەبن و روینشتن ل دەمژمێر (١١)ێ بەری نیڤرۆ دێ بڕێڤەچیت.

ئەڤە پشتێ وێیەکێ دهێت، پشتی وەغەرکرنا فەرسەت سوفی پارێزگەرێ هەولێرێ، ئومێد خوشناو ل جهێ وی دەست بکاربوو.

هـ.إ