سەرنووچە:

بەرپرسەکێ پارتی یەکێتیێ ب دزینا مال و مولکێ کەرکوکیان توهمەتباردکەت

بومن سەیرە ب حساب تە دکتورا هەبیت و درەوێن وەسا مەزن بو مە بکەی
فۆتۆ: 
2021-02-28

327 جار خوێندراوەتەوە

پشتی کو شاخەوان عەبدولا، پەرلەمانتارێ بەرێ یێ عێراقێ ل فراکسیۆنا پارتی ڕاگەهاندی، ل وی سنورێ وەستا رەسول ئەندامێ سەرکردایەتیا یەکەتیێ ددەما شەرێ داعشدا بەرپرسبو ل کەرکوکێ، مولک و مالێ گوندان دزیە. د هەمبەردا، وەستا رەسول دبێژیت، "بومن سەیرە ب حساب تە دکتورا هەبیت و درەوێن وەسا مەزن بو مە بکەی".

د چاڤپێکەفتنەکێدا، وی پەرلەمانتارێ بەرێ یێ فراکسیۆنا پارتی بەحس ل وێیەکێ کر،  کو ل وی سنوری وەستا رەسول ل دەمێ شەرێ داعشدا بەرپرسبو ل کەرکوکێ و داقوق، "پێشمەرگە ددانە کوشتن و پاشی عامودە و تەرەکترێن گوندی ددزین".

ل هەمبەردا، ئەو ئەندامێ سەرکردایەتیا یەکێتیێ دبێژیت، "لە بێخەبەران کەشکەک سەڵاوات" دبێژیت ژی، "من بۆ یەک رۆژ ژی ل سنورێ داقوق بەرپرسێ میحوەرێ هێزا پێشمەرگەی نەبووم، بومن سەیرە ب حساب تە دکتورا هەبیت و درەوێن وەسا مەزن بو مە بکەی".

وەستا رەسول ئاماژە بوێیەکێ ژیکر، کو بۆی و بۆ هەمی ئالیەکی رووندکەت، ئاخفتنێن وی دوویرن ژ راستیێ و بێ بنەمانە.

ئەوژی دبێژیت، "ئەز بەرپرسیارێ میحوەرێ باشورێ کەرکوکێ بووم نە داقوق هەر کارەکێ نە ڕەوا ل سنورێ هێزێن ئالیێ مە روویدابیت، د ئامادەینە بچینە هەمبەر دادگەهێ و بەروڤاژی، پێتڤیە شاخەوان عەبدولا باجا وێیەکێ بدەت".

ئەڤە یەکەمجار نینە بەرپرسێن پارتی و یەکێتی یەکدوو ب "دزی و گەندەلی و خیانەت" توهمەتباربکەن، ئەڤ بابەتە زوی بزوی دووبارە دبن ب رەنگەکی، هەیاکو نها چ بەرپرسێن دیارێن وان دوو حزبان لسەر توهمەتبارکرنێ سکالا لسەر یەکدوو نومار نەکرینە.

هـ.إ