سەرنووچە:

هەیا نها ڤان جهان موچە وەرنەگرتیە

فۆتۆ: 
2021-02-28

1748 جار خوێندراوەتەوە

ژێدەرەک ژ لیوایێن هەڤبەشێن وەزارەتا پێشمەرگەی بۆ ئێن ئاڕ تی ڕاگەهاند، هەرچەندە بڕیاربوو رۆژا پێنج شەمبیا دەربازبووی، سێ موچان پێکڤە وەربگرن، لێ هەیا نها ئەو موچە نەدایە وان، جێگرێ سوپاسالارێ پێشمەرگەی بۆ ئێن ئاڕ تی ڕاگەهاندبوو، "ئاریشێ پەیوەندی ب بانکێڤە هەیە".

وی ژێدەری ئاماژە بوێیەکێ ژیکر، دەنگۆیەک هەیە، کو لسەر وێ پسولا موچەی پێوەردگرن هەر بەشە پارەکێ نڤیسای بۆ پێشمەرگەیان نینە رەتبکەن و وانژی ترسا لێبڕینا موچێن خۆ هەیە.

دەربارەی وێیەکێ، دوهی، قارەمان کەمال جێگرێ سوپاسالارێ وەزارەتا پێشمەرگەی بۆ ئێن ئاڕ تی ڕاگەهاند، لگورەی زانیاریێن وی ئاریشێ پەیوەندی ب بانکێڤە هەیە، کو هەیا نها رازەمەندی نیشان نەدایە بۆ مەزاختنا چەکێ موچێ وان.

قارەمان کەمال بەحس لوێیەکێ ژیکر، نە تنێ لیوایێن سەر ب وەزارەتێ، بەلکی هێزین ٨٠ژی، کو ل بانکێن هەولێرێ موچەی وەردگرن، موچێ خۆ وەرنەگرتیە، ددەمەکیدا هێزێن یەکا ٧٠ ل سلێمانیێ موچە وەرگرتیە، هەڤدەم، ناڤبری دەنگۆیێ لێبرینا بەشەک ژ موچێ لیوایێن هەڤبەشیژی رەتکر.

لگورەی خشتێ دابەشکرنا موچەی، کو ژ ئالیێ وەزارەتا دارایێ بەلافکریە، پێتڤی بوو رۆژا ٢٥ی ڤێ مەهێ موچێ وەزارەتا پێشمەرگەی هاتبا دابەشکرن و لیوایێن هەڤبەش سەر ب وەزارەتێ ژی سێ موچەیان پێکڤە و ب بێ لێبڕین وەربگرن، کو پارە ژ ئالیێ ئەمریکاڤە هاتیە دابینکرن.

هـ.إ