سەرنووچە:

گەشت و گوزارا دهوکێ بۆ هاتنا گەشتیاران بڕیارەک دەرکر

فۆتۆ: 
2021-02-28

397 جار خوێندراوەتەوە

رێوار محەمەد رەشید، پەیڤدارێ ڕێڤەبەریا گشتی یا گەشت و گوزارێ ڕاگەهاند، ھاتنا گروپێن گەشتیاری بۆ پاڕێزگەھا دھۆکێ ھاتە قەدەغەکرن، و ٧٢ دەمژمێر داینە وان گروپێن ل دهۆکێ کو ڤەگەڕن.

رێوار محەمەد رەشید، پەیڤدارێ ڕێڤەبەریا گشتی یا گەشت و گوزارێ ل پارێزگەها دھۆکێ بو ئێن ئارتی ڕاگەھاند، پشتی دەرکەفتنا ھندەک توشبوویێن زنجیرا نوویا ڤایرۆسێ کۆرۆنا ل ھەرێمێ، رێکارێن ساخلەمیێ هاتینە موکمترن.

  لگورەی بڕیارا وەزارەتا ساخلەمیێ و لژنا بلندا بەرھنگابوونا کۆرونایێ، ھاتنا گروپێن گەشتیاری بۆ پاڕێزگەھا دھۆکێ ھاتە قەدەغەکرن و ئەڤ بریارە ژی بۆ ماوەیەکێ نەدیارە.

بەحس ل وێ یەکێ ژیکر، بۆ وان گرۆپن گەشتیاریێن نها ل پارێزگەها دهۆکێ ٧٢ دەمژمێر پێ هاتینە داین کو ب ڤەگەڕنە دەڤەرێن خۆ.

هـ.إ