سەرنووچە:

سعودیە دەربارەی کوشتنا خاشقچی بەرسڤا ئەمریکا دا

فۆتۆ: 
2021-02-27

423 جار خوێندراوەتەوە

وەزارەتا دەرڤە یا سعودیە د ڕاگەهاندنەکێ دا راپورتا هەوالگریا ئەمریکا سەبارەت ب کوشتنا جەمال خاشقچی ب نە ڕاست ددانیت.

دوهی میدیایێن جیهانێ بەلاڤکر، ل گورەی راپۆرتەکا دەزگەهێ هەوالگریا ئەمریکا، پرۆسا کوشتنا جەمال خاشقچی رۆژنامەڤانێ سعودیە، لژێر چاڤدێری و ب رازیبوونا محەمەد بن سەلمان شازادێ جێنشینا وەلاتێ وی دا بوویە.

د بەرامبەر دا، وەزارەتا دەرڤە یا سعودیە ئەو راپورت رەتکر و ڕاگەهاند، هەمی رێکارێن یاسایی بۆ ڤەکولین و گەهشتن ب دادپەروەریێ گرتینە بەر ومالباتا خاشقچی ژی ب ئەنجامی رازیبوون.

ئەو ژی هاتیە، ''ب لیبورینڤە راپورتەکا وەسا دنڤیسیت و ڕادگەهینیت کو ئەنجامێن نە راستن و باوەر پیکەر نینن د دەمەکیدا حکومەتا سعودیە ئیدانا وان تاوانا کرییە ریکارێن پێتڤی گرتینە بەر بو هندێ جارەکا دی تاوانێن هەڤشێوە روینەدەن''.

ژ وێ راپورتا هەوالگیریا ئەمریکا کو ژ چار پەرا دا زانیاری بەرچاڤکرینە هاتیە، گەهشتن ب وی ئەنجامێ کو محەمەد بن سەلمان شازادی جێنشینا سعودیە رازیبون یا دای ب ئەنجاغمێ چالاکیەکێ ل باژێرێ ئەستەمبولا تورکیا بۆ دەستەسەرکرن یان کوشتنا جەمال خاشقچی یێ رۆژنامەڤان.''

ئەو ژی ددەمەکیدایە، خاشقچی ل بەروارا ٢ێ جوتمەها ٢٠١٨ێ ل کونسولخانا سعودیە ل باژێرێ ئەستەمبۆلا تورکیا، ژ ئالیی ژمارەیەکا چەکداران هاتەت کوشتن و لەشێ وی ژی پارچە پارچە کر، پاشان ژی پەنجەیا تاوانێ ئاڕاستەی محەمەد بن سەلمان، شازادێ جێنشینا سعودیە کر.

هـ.ر