سەرنووچە:

ڕێکخراوا لێبورینا نیڤدەولەتی داخازا ئازادکرنا دەملدەست یا سزادایێن بەهدینان دکەت

فۆتۆ: 
2021-02-26

698 جار خوێندراوەتەوە

 ڕێکخراوا لێبورینا نیڤدەولەتی ڕاگەهاند، ئەو پێنج رۆژنامەڤانێن ل رۆژا ١٦ی ڤێ مەهێ ل هەرێما کوردستانێ ب شەش سالێن زیندانکرنێ هاتینە سزادان، پێتفیە دەملدەست و بێی مەرج بهێنە ئازادکرن.

ئەڤرۆ ئەینیێ، ڕێکخراوا لێبورینا نیڤدەولەتی د ڕاگەهاندنەکێدا ئاماژە بوێیەکێ کر، رۆژا ١٦ی ڤێ مەهێ، دادگەها هەولێرێ ل هەرێما کوردستانێ "برەنگەکێ نە دادپەروەرانە" سزا بۆ هەر یەک ژ روژنامەڤان شێروان شێروانی، و گوهدار زێباری، هاریوان عیسا، ئەیاز کەرەم، و شڤان سەعید ب شەش سالێن زیندانیکرنێ دەرکر.

ڕاگەهاندژی، ئەگەر چ دادگەهێ ئەو رۆژنامەڤانە ب توهمەتا تێکدانا ئاسایشا هەرێما کوردستانێ سزاداینە، لێ دادگەهـ یا دادپەروەرنەبوو و پێتڤیە دەملدەست و بێی مەرج بهێنە ئازادکرن.

رۆژا ١٦ی ڤێ مەهێ، دادگەها تاوانا ل هەولێرێ، سزایێ شەش سالێن زیندانێ بسەر پێنج دەستەسەرکریێن بەهدیناندا سەپاند، ئەڤەژی ژبلی نەرازیبونا نیڤدەولەتی، کارڤەدانێن رایا گشتی و بەشەک ژ ئالیێن سیاسی و پەرلەمانتاران بدویف خۆدا ئینا و ب بڕیارەکا نەدادپەروەرانە د زانن.

هـ.إ