سەرنووچە:

فەرماندەیێ ناڤەندا ئەمریکا: پێتڤی یە سوپایێ مە بهێزی ل عێراقێدا بمینیت

فۆتۆ: 
2021-02-26

270 جار خوێندراوەتەوە

فەرماندێ فەرماندەیا ناڤەندا ئەمریکا ڕاگەهاند، پێتڤی یە سوپایێ وەلاتێ وی  بهێزی ل عێراقێدا بمینیت تا ڕێگربیت ل دووبارە بهێزبوونا داعش ب تایبەت ژ روویێ توندرەوکرنا زارۆکان.

کێنس مەکێنزی فەرماندێ فەرماندەیا ناڤەندا ئەمریکا هوشداریا وێ یەکێ ژی دا، ژمارەیەکا زور ژ زیندانیێن داعش ل زیندانێن رۆژئاڤایێ کوردستانێ ئەگەرا زور یا هەی کو بڕەڤن ئەو ژی دێ گۆرەکا زور ب وی ڕێکخراوێ دەت.

بەحس ژ وی یەکێ ژی کریە، ئەگەر نەشێن ئاواران تێکەلی جڤاکی بکەن دی ئەو ل داهاتیدا ژی دێ شاهدێ دەرکەفتنا نەڤیێن دی یێن داعش بن.

ئەو فەرماندەیی ئەمریکا ئاماژە ب وێ یەکێ ژی کریە، ئەو و هەڤپەیمانێن وان ژ وان ژی بریتانیا بەردەوامن ژ ڕاهێنان پێکرن ب هێزێن عێراقی، لێ ئەڤە بتنێ دێ ئاسایشێ دابینکەن بۆ دابینکرنا سەقامگیریی پێتڤی یە ئەمریکا هەبوونەکا بهێز یا سەربازی ل وی وەلاتی هەبیت.

بەریا نها سیروان بارزانی فەرماندێ میحوەرێ مەخمور- گوێر یا هێزێن پێشمەرگە ڕاگەهاندبوو، زێدەتر ژ حەفت هزار چەکدارێن سەر ب گروپێ چەکداریێ داعش ل عێراقێ دا نە و ب نیازن ل دەما سەر ژ نوی رێزێن خۆ رێکبێخن.

ل گورەی ئامارێن دەزگەهێ بەرهنگاربوونا تیرۆرێ یا سەر ب نەتەوێن هەڤگرتی ژی، ژمارا چەکدارێن داعش ب ١٠ هزار چەکداران خەملاندیە، ل دەمەکێدا بەرپرسێن بلندێن سەربازیێن ئەمریکا، ژمارا چەکدارێن وی گروپێ چەکداری ب ١٤ تا ١٦ هزار چەکدارا ل عێراق و سوریا د خەملینن.

هـ.ر