سەرنووچە:

ل دهۆکێ پشکنینا کۆرۆنایێ بۆ ٢٠٠ قوتابیان هاتیە کرن

فۆتۆ: 
2021-02-25

460 جار خوێندراوەتەوە

به‌رپرسێ سه‌نته‌رێ زانین یێ ساخله‌میا قوتابیان ل دهۆكێ دیاركر:" 200 سه‌مپلێن هه‌ره‌مەكی بوو پشتراستبوونێ ژ نه‌خۆشیا كۆرۆنایێ دناڤ قوتابیان هاتینه‌ وه‌رگرتن وئه‌نجامیێن 199 ژێ نێگه‌تیف ده‌رچوونە".

د. نورەدین عەبدوللا، به‌رپرسێ سه‌نته‌رێ زانین یێ ساخله‌میا قوتابیان ل دهۆكێ بو ديجيتال ميديا ئێن ئاڕ تی ڕاگه‌هاند "بۆ پشتراستبوونى ژ نه‌خۆشیا كۆرۆنایێ دناڤ قوتابیان دا 200 سه‌مپلێن هه‌ره‌مەکی دناڤ قوتابیان هاتینه‌ وه‌رگرتن،  پشتى پشكنین ل سه‌ر هاتیه‌ كرن ئه‌نجام ده‌ركه‌فتن 199 ژێ نێگه‌تیف دەرچوونە بتنێ ئێك ژى هه‌لگرێ نه‌خۆشیا كۆرۆنایێ بوویه‌".

گۆتژى، " لیژنه‌كا بلند بۆ دووڤچوونا بجهئینانا رێنمایێن ساخله‌میێ ژبه‌ر ڤایرۆسێ كۆرۆنایێ ل دهۆكێ هاتیه‌ پێكئێنان و پشتی دووڤچوون دناڤ قوتابخانه‌یێن دهۆكێ دا هاتیەكرن، هه‌كه‌ وه‌سا بیت ره‌وش یا باشه‌، چونكو دناڤ قوتابخانه‌یان دا پتر 95% پێگیری ب رێنمایێن ساخله‌میێ دهێته‌ كرن وئێدارێن قوتابخانه‌یان زۆر هه‌ڤكارن بۆ بجهئینانا رێنمایان دناڤ قوتابیان دا".

 ئاشكرا ژی كر:" دناڤ هه‌ر پۆله‌كا قوتابخانێ دا هه‌كه‌ قوتابیه‌ك تووشى كۆرۆنایێ بیت ئه‌و پۆل بۆ ده‌مێ 14 رۆژان دهێته‌ دائێخستن هه‌كه‌ ژمارا تووشبوویان بوونه‌ پێنج دناڤ قوتابخانه‌كێ دا ئه‌و قوتابخانە دێ هێته‌ گرتن بۆ ده‌مێ 14 رۆژان".

ئەڤە د دەمەکێ دایە، هەیا نها ١٤ حالەتێن توشبوونێ ب زنجیرا نویا کۆرۆنایێ ل هەرێما کوردستانێ، کو هەمی ل هەولێرێ بووینە هاتنە تومارکرن.

ئارام حسێن،  دهۆک

و.ح