سەرنووچە:

حکومەتا هەرێمێ جۆرەکێ مریشکا قەدەغەکر

فۆتۆ: 
2021-02-25

527 جار خوێندراوەتەوە

ئەڤرۆ پێنجشەمبی، وەزارەتا چاندن و ژێدەرێن ئاڤێ یا حکومەتا هەرێما کوردستانێ چەند بریار دەربارەی هنارتنا پەلەوەر و گرنگیدان ب بەرهەمێ نافخۆ دەرخست و نڤیسارەک ژی ئاراستەی چەند وەزارەتان کر.

وەزارەتا چاندن و ژێدەرێن ئاڤێ یا حکومەتا هەریما کوردستانێ ڕاگەهاندیە، جڤاتا بلدا پیشەسازی پەلەوەر ب سەرۆکایەتیا بێگەر تالەبانی وەزیرا چاندن و ژێدەرێن ئاڤێ جڤیان و د جڤینێ دا ژی چەند بریار دەرخستن.

بریار:

ئێکەم: تەکەستکرن ل سەر قەدەغەکرنا مریشکا هنارتی و بەستی ب هەمی ئاوایەکێ ل تەماما دەرازینکێن هەرێما کوردستانێ، بۆ ڤێ مەبەستێ ژی هەماهەنگیا تەمتم دگەل سەرجەم ئالیێن پەیوەندیدار دکەن.

دوویەم: هەوەکا نشتیمانی بو دەستبسەرداگرتنا بەرهەمێ قاچاغ و نە یاسایی ل بازاران ئەنجامددەت ب سەرپەرشتیا راستەوخۆ یا وەزیرا چاندن و ژێدەرێن ئاڤێ.

سێیەم: بریار دا ب راگرتن و قەدەغەکرنا پارچێن مریشکا هنارتی، ل جهێ ڤێ خودانێ سەربرخانێن کوردستانێ هاتە راسپارتن کو ئامادەکاریێ بکەن بۆ تژیکرنا بازارێن هەرێما کوردستانێ ب لبەرچاڤوەرگرتنا خاستا براندێن بیانی.

چارەم: ب مەبەستا پاراستنا بەرهەمێ نافخۆیی و بەرهەمێ دەواجین و سەربرخانێن هەریما کوردستانێ ل حەفتیا داهاتیدا هەوەکا ڕاگەهاندنێ بو دانە نیاسینا ستیکەر و بارکودێ تایبەت ل سەر بەرهەمێ سەربرخانێن هەرێما کوردستانێ دچیتە بیاڤێ جێبەجێکرنێ کو ئەڤە دبیتە ئەگەرەک بۆ پارێزگاری و دانە نیاسینا بەرهەمێ نافخۆیی ب کوالێتیەکا بلند و بهایەکێ گونجای بو بازارێن هەرێما کوردستانێ.

پێنجەم: وەزیر سەرجەم فەرمانگەهێن پەیوەندیدارێن راسپارد دناڤ وەزارەتا چاندنێ و ژێدەرێن ئاڤێ بۆ چارەسەرکرن و دیفچوونا هەمی ئەو بابەتێن کو پەیوەندی هەی ب پیشەسازیا پەلەوەران، ب تایبەتی ل پرۆژێن مریشک و گوشت و کارگەهێن ئالیک و سەربرخانان، ژ ئالیێ ڕێڤەبەریا سامانێ ئاژەلی و ڤیتێرنەری یا پارێزگەهان بۆ کاروباران.

شەشەم: وەزارەتا چاندنێ نڤیسارەک ئاراستەی وەزاغرەتا کارەبێ دکەت ل سەر بهایێ کارەبێ بۆ پرۆژێن گرنگێن پەلەوەری و پرۆژێن چاندنێ پشتی پشتگیریکرنا وان ژ ئالیێ وەزارەتێ.

حەفتەم: وەزارەتا چاندن و ژێدەرێن ئاڤێ د نڤیسارەکا فەرمیدا داخازێ ژ جڤاتا وەزیران دکەت کو ژ پێخەمەت گرنگیدان و پالپشتیکرنا بەرهەمێ نافخۆیی گشتاندنێ بکەت بو وەزارەتێن پێشمەرگە و نافخۆ و ساخلەمی و کاروبارێن کومەلایەتی و کار، کو بەرهەمێ کێلگەهێن پەلەوەرێن نافخۆیی یێن هەرێما کوردستانێ بکڕن.

بەریا نها وەزیرا چاندنا عێراقێ بەحس ژ وێ یەکێ کر بوو، کو ل هەرێما کوردستانێ مریشکا بەستی یا ماوە بسەرڤەچوی دێ بۆ هێتە رەوانەکرن و ئەو ژی ب کۆرۆنایا نوی''بناڤبر.

هـ.ر