سەرنووچە:

بەرپرسەکێ پارتی: بناڤێ داعشا تەقێ ل کوردێن کەرکوکێ دکەن

فۆتۆ: 
2021-02-25

315 جار خوێندراوەتەوە

جێگرێ بەرپرسێ سەرکردایەتیا کەرکوک-گەرمیان یا پارتی ڕاگەهاند، ''عەرەبین شوڤینی ب ناڤێ چەکدارێن داعش تەقە ل وەلاتیێن کورد دکەن بۆ هندێ نەچار بکەن ناڤچەیێن وان بجهـ بهێلن.''

دیاری حسێن جێگرێ بەرپرسێ سەرکردایەتیا کەرکوک-گەرمیان یا پارتی بو رۆپەلا فەرمیا حزبا خۆ ڕاگەهاندیە، ''پرۆسا تەعریب و ب زوری ئینان ب سەر وەلاتیێن کوردێن کەرکوکێ هویرتر کریە و هەر رۆژ لژێر ناڤەکێ و ب بریارەکێ بازار و تاخێن کوردان ل باژێرێ کەرکوکێ تێکددەن و کەس ژی نینە بەرەڤانیێ ژ وەلاتیێن کورد ل کەرکوکێ بکەن، ئەو هەمی تەعریب و زولما ژ کوردێن کەرکوکێ دهێتە کرن ب پیلان و بریارا بەری وەخت کار بۆ دهێتە کرن''

ئەو یەک ژی بەرچاڤکر، ''دەرخستنا کوردان دناڤ باژێرێ کەرکوکێ دەربازبوویە و ۆ گوندان ژی نها دڤێت کوردێن کاکەیی ل سەر گوندێن وان دەربێخن، کو هندەک جاران بناڤێ چەکدارین داعش عەرەبێن شوڤێنی تەقەیێ ل وەلاتیێن کورد دکەن بۆ هندێ بهێنە نەچارکرن ناڤچەیێن خۆ بجهـ بهێلن بۆ وان''.

هەروەسا دیاری حسێن دبێژیت، ''چەند رۆژە هەوەک بو تێکدانا ژمارەیەکا بازار و تاخێن کورد ل کەرکوکێ دەست پێکریە و دڤیت ب قوناغ کوردا ژێببەن ل وی باژێری، ئەگەر رێگری لێنەهێتەکرن مەترسیەکا زور مەزن ل سەر کورررردێن کەرکوکێ یا هەی و ل داهاتیدا ب جێبەجێکرنا پیلانێن وان کورد دی بێی جهـ و رێک مینیت ل کەرکوکێ''.

ئەو یەک ژی بەرچاڤکر، ل پشتی روویدانین ١٦ێ جوتمەهێ پارتی ڕاگەهاندبوو، ب هێزێ نەبیت نا ڤەگەڕیت بۆ کەرکوکێ، ل وی دەمی ژی ئەو پارێزگەهـ ب داگیرکار بناڤکریە، لێ ل دەستپێکا ڤێ مەهێ دا، بەرپرسیارێ دەزگەهێ هەلبژارتنێن پارتی ڕاگەهاندبوو، ئامادەنە ژ پاریزگەها کەرکوکێ بەشداریی ل هەلبژارتنێن پەرلەمانێ عێراقێ دا بکەن.

هـ.ر