سەرنووچە:

پەرلەمانتارەک: سەرۆکێ حکومەتێ سوزا خۆ دەربارەی پاڕڤەکرنا موچەی د ٢٥ی مەهێدا جیبجیکر

فۆتۆ: 
2021-02-25

276 جار خوێندراوەتەوە

ئەندامەکا پەرلەمانێ کوردستانێ ڕاگەهاند سەرۆکێ حکومەتێ سوزا خۆ جیبجیکر کو هەمی ٢٥ی مەهەکێ دەست بکەت ب پاڕڤەکرنا موچەی و بڤی رەنگی کارکرنێژی دووبارە دێ باوەری دناڤبەرا حکومەت و وەلاتیاندا زیندی بیتەڤە.

لیزان فەلەکەدین ئەنداما پەرلەمانێ کوردستانێ بۆ میدیایێن پارتی ڕاگەهاندیە، "پاڕڤەکرنا موچەی د هەمی ٢٥ی مەهەکێ سوزەکبۆ د رەوشەکا دژواردا و حکومەتێ سوزا خۆ جیبجیکر، ددەمەکیدا پەتڕۆلێ بلندبونەکا وەسا بخۆڤە نەدیتیە، ڤایرۆسێ کۆرۆنا ل دەڤەرێ و ل جیهانێ د بەلاڤبونێدابوو و عێراقێ هەمی شایستە و مافێن دارایێن هەرێمێ بڕیبوون".

دبێژیت ژی، "ب دووبارە رێکئێخستنا سیستەمێ باجێ و رسوماتان و هاڤێتنا هندەک پێنگاڤێن گرنگ ل خالێن سنوری و جیبجیکرنا هندەک مادە و بڕگێن یاسایا چاکسازیێ، وەکر کو داهاتێ نەیێ پەتڕۆلێ زێدە ببیت".

ئاماژە بوێیەکێ ژیکر، "ئەگەر ئەڤ کابینە ب هەمان ئیرادە و رۆحیەتا نهایا سەرکەفتن بسەر قەیراناندا بەردەوامبیت، دووبارە دێ باوەری دناڤبەرا حکومەت و وەلاتیاندا زیندی بیتەڤە".

بەحس لوێیەکێ ژیکر، "ئەو ڤالاهیە ب سەدەمێ وێ بێ باوەریێ دروستبویە، دەلیڤە بۆ کوموکا کەسێن پۆپۆلیست پەیداکر، بهێنە گورەپانا سیاسی و ب ڕێیا پەیامێن نەراست بەردەوام ئاستەنگان بۆ کابینا نەهێ دروست بکەن، لێ ب دووبارە دروستبوونا ڤێ باوەریێ، ئێدی ئەڤ جورێ بناڤ سیاسیان نامینیت و دێ دەمێ وان بسەرڤەچیت".

لیزا فەلەکەدین ڕاگەهاندژی، "خۆ ڕاگریا وەلاتیان و پێنگاڤهاڤێتنا هشیارانە یا حکومەتا هەرێمێ پێکڤە، وەکریە جارەکادی شکەستنێ توشی پلانێن نەیاران بکەت، نە بتنێ ئەڤە، بەلکی هەمی وان ئالیێن عێراقیێن کو دژایەتیا هەرێمێ دکر بۆ کابینا داهاتی یا عێراقێ داخازیا هەڤپەیمانیێ و پشتگێریێ ژ هێزێن سیاسیێن بهێزێن کوردستانێ دکەن"

بەریا نها، مەسرور بارزانی سەرۆکێ حکومەتا هەرێما کوردستانێ ڕاگەهاند، کو ل هەمی ٢٥ی مەهەکێدا دێ موچێ فەرمانبەران پارڤەکەن و دڤێ مەهێ و مەهێن دەربازبوویدا دوی دەمیدا پارڤەکریە، لێ تا نهاژی لێبڕین بەردەوامە.

داویا سالا ٢٠١٥ێ، حکومەتا هەرێمی دەست ب پاشکەفتکرنا موچەی کر و ڕاگەهاند، ددەمێن بهێتدا ئەو پارێ دهێتە پاشکەفتکرن بۆ فەرمانبەران دێ هێتە ڤەگەڕاندن،لێ ل نها و پشتی شەش سالا چ کوژمێ پارەیەکێ پاشکەفتکری بۆ فەرمانبەران نە ڤەگەریایە.

پشتی چەند مەهان ژی، ژ دەستبکاربوونا کابینا نەهێ یا حکومەتا هەرێمێ بڕیاردا، موچێ فەرمانبەرا ب لێبڕین دابەشبکەت و هەیا نهاژی پاڕڤەکرنا موچەی بوی ئاوایی بەرردەوامە.

هـ.إ