سەرنووچە:

عێراقێ پلانا زێدەکرنا بەرهەمئانینا غازێ ئەشکرا کر

فۆتۆ: 
2021-01-25

186 جار خوێندراوەتەوە

وەزارەتا پەتڕۆلا عێراقێ ڕاگەهاند، پلان هەیە ٩٠٠ ملیۆن پێیێن چارگۆشە یێن غازا سروشتی ژ کێلگەهێن پەتڕۆل و غازا پارێزگەهێن بەسرە و میسان و زیقار بەرهەمبینیت.

حامد یونس بریکارێ وەزارەتا پەتڕۆلا عێراقێ بۆ کاروبارێن پارڤەکرنێ بۆ ئاژانسا فەرمی یا نووچەیێت عێراقێ ڕاگەهاند، وەزارەتێ چەند پلانەک دانانە بۆ بەرهەمئانینا غازێ ل کێلگەهێن پارێزگەهێن باشور.

ڕاگەهاندیە ژی، ئەو ڕێژا غازا د نها دا دهێتە بەرهەمئانین دگەهیتە هزار و ٥٠٠ ملیۆن مەترێن چارگۆشە د رۆژەکێ دا.

ئاماژە بوێیەکێ ژی کر، ئەو پلانە زێدەکرنا رۆژانەیا بەرهەمئانینا ٤٠٠ ملیۆن پێین چارگۆشەیێن غازێ یە ل کێلگەهێن ئەرتاوی ل بەسرە و و زێدەتر ژ ٥٠٠ ملیۆن پێیێن چارگۆشەیێن غازێ نە ل پارێزگەهێن میسان و زیقار.

هەڤدەم، بەرپرسەکێ نەفتێ ئەشکراکر، بەرهەمئانینا نشتیمانیا غازێ بەشێ داگرتنا پێتڤیێن عێراقێ ناکەتن هەیا بشێن هەمی پێتڤیێن وێستگەهێن کارەبێ پێ بدەینە کاری، هەر ژبەر وێیەکێ کاردکەت بۆ ئینانا غازێ ژ ئیرانێ.

بەریا نها، ل گۆرەی سەرژمێریاریان عێراقێ رێژا ١٣٢ تلیۆن پێیێن چارگۆشە یێن غازێ خەزنکری هەبووینە، لێ د نها دا رۆژانە ٧٠٠ ملیۆن پێیێن چارگۆشە یێن غازێ د هەوای دا دشەوتینە ب سەدەما وێیەکێ کو بەرهەمنەئانیە.

ئەڤەژی د دەمەکێ دایە، هەیا نها عێراق رۆژانە ب رێیا دوو بۆڕیێن سەرەکی و بۆ داگرتنا پێتڤییان، پێنج ملیۆن مەترێن چارگۆشە غازێ ژ ئیرانێ دئینیت.

و.ح