سەرنووچە:

بهایێ پەتڕۆلێ د بازارێن جیهانێ دا

فۆتۆ: 
2021-01-25

210 جار خوێندراوەتەوە

ب سەدەما کێمبوونا مەترسیا ڤایرۆسێ کۆرۆنایێ و دیتنا ڤاکسینێ بۆ ڤایرۆسی، بهایێ پەتڕۆلێ د دەمێ چەند حەفتیێن دەربازبووی دا بلندبوویە، ب ڕەنگەکێ کو گەهشتیە هەمان ئاستێ مەها ئازارا سالا دەربازبووی ب هەڤبەرکرن ب حەفت مەهێن دەربازبووی.

بۆ ئەڤرۆ دووشەمبێ، بهایێ پەتڕۆلێ هەڤبەر دگەل دوهی یەکشەمبێ، وەکی خۆ مایە و دئەڤرۆ دا بهایێ بەرمیلەكا پەتڕۆلا خاڤا برێنت د بازارێن جیهانێ دا ب ٥٥ دۆلار و ٣٣ سەنتایە و بهایێ بەرمیلەكا پەتڕۆلا خاڤا ئەمریکی ژی ب ٥٣ دۆلار و دوو سەنتا دهێتە فرۆتن.

لگۆڕەی نووچەیێن ئاژانسێن ئابوریان، د دەما دەربازبووی دا پەتڕۆلا خاڤا برێنت ب رێژەیا ١٠%ێ پەتڕۆلا خاڤا ئەمریكی ژی ب رێژەیا ١٣%ێ بلندبوویە.

بلندبوونا بهایێ پەتڕۆلێ پشتی وێیەكێ دهێت، ٢٠ێ نیسانا سالا دەربازبوویی پەتڕۆلا خاڤا ئەمریكا بۆ یەكەمجار د دیرۆكێ دا ٣٧ دۆلاران ل خوار سفرێ داكەت.

هەڤدەم، د مەها ئازارا ٢٠٢٠ێ ژی دا، بهایێ پەتڕۆلێ د بازارێن جیهانێ دا نزمترین ئاست ل پشتی سالا ٢٠٠٣ تۆماركر، ب ئاوایەكێ بهایێ یەك بەرمیل پەتڕۆلا خاڤا برێنت ل خوارێ ٢٥ دۆلاران مامەلە پێ دهاتەكرن.

و.ح